Иегова — «телейлӗ Турӑ», ҫавӑнпа вӑл ырӑ хыпар сарас ӗҫ пире савӑнӑҫ кӳтӗр тет (1Тм 1:11, ҪТ). Ҫак ӗҫре ӑсталӑха ӳстеретпӗр пулсан, эпир тата ытларах савӑнӑҫ илӗпӗр. Ыйтусем парса ҫынна интереслентерсе яма пулать, вӗсем ӑна шухӑшлама пулӑшаҫҫӗ (Мф 22:41—45). Ыйтусем панӑ хыҫҫӑн ҫынна тимлӗ итленипе эпир вӑл мӗн шутлани пирӗншӗн пӗлтерӗшлӗ пулнине кӑтартатпӑр (Иак 1:19). Унӑн хуравӗсем малалла мӗн ҫинчен калаҫмаллине пӗлме пулӑшӗҫ.

«ВӖРЕНЕКЕНСЕНЕ ХАТӖРЛЕС ӖҪРЕ САВӐНӐҪ ТУПӐР. ӐСТАЛӐХА ӲСТЕРӖР: ЫЙТУСЕМ ПАРӐР» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

• Джейд мӗнле лайӑх енсем кӑтартрӗ?

• Ыйтусем парса Нита Джейдпа интересленнине мӗнле кӑтартрӗ?

• Джейда Библири чӑнлӑхпа интереслентерсе ярас тесе Нита ыйтусемпе мӗнле усӑ курчӗ?

• Джейда шухӑшлаттарас тесе Нита ыйтусемпе мӗнле усӑ курчӗ?