Иегова мӑшӑрсен пӗр-пӗрне тупа туни ҫине ҫӑмӑлттайлӑн пӑхмалла мар тет, ҫавӑн пекех вӗсен мӗн пурнӑҫӗ тӑршшӗпех пӗрле пулмалла тет (Мф 19:5, 6). Турӑ халӑхӗ хушшинче ҫирӗп ҫемьесем нумай. Анчах ҫынсен пурин те ҫитменлӗхсем пур, ҫавӑнпа та ҫемьере йывӑрлӑхсем пулаҫҫех. Вӗсене татса парас тесе ҫак тӗнчери ҫынсем уйрӑм пурӑнма е уйрӑлма йышӑну тӑваҫҫӗ. Анчах та пирӗн мӑшӑрлӑ пурнӑҫ ҫине вӗсем пек пӑхмалла мар. Христиансене ҫемьене упраса хӑварма мӗн пулӑшма пултарать?

Айтӑр пилӗк усӑллӑ канаша пӑхса тухар.

1. Хӑвӑн чӗрене упра. Ҫемьене аркатма пултаракан ӗҫсенчен сыхлан. Сӑмахран, якӑлтатса ан ҫӳре тата аскӑн ӗҫпе ҫыхӑннӑ вӑйӑ-кулӑран пӑрӑн (Мф 5:28; 2Пт 2:14).

2. Иеговӑпа ҫывӑхлан тата санӑн мӑшӑрлӑ пурнӑҫу ӑна савӑнтартӑр тесе тӑрӑш (Пс 96:10).

3. Ҫӗнӗ этем пулса пыр. Пӗчӗк ырӑ ӗҫсем туса та мӑшӑра савӑнтарма тӑрӑш (Кл 3:8—10, 12—14).

4. Мӑшӑрупа хисеплӗн калаҫ. Хӑвӑн шухӑшсемпе туйӑмсем ҫинчен каласа пама вӑхӑт уйӑр (Кл 4:6).

5. Ар ҫыхӑнӑвне кӗнӗ чухне мӑшӑра юратнине кӑтарт тата унпа ҫепӗҫ пул (1Кр 7:3, 4; 10:24).

Мӑшӑрлӑ пурнӑҫа хисепленипе христианин Иеговӑна, ҫемьене пуҫарса яракана, хисепленине кӑтартать.

«ПИРӖН „ЧӐТӐМЛӐ ПУЛСА“ ЧУПМАЛЛА. ПРАВИЛӐСЕНЕ ТЫТСА ТӐРӐР» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

• Мӑшӑрланнӑ хыҫҫӑн веҫех лайӑх пулнӑ пулсан та, вӑхӑт иртсен мӗнле йывӑрлӑхсем сиксе тухма пултараҫҫӗ?

• Мӑшӑрсене вӗсем пӗр-пӗрне юратма пӑрахнӑ пек туйӑнать пулсан, Библири принципсем вӗсене мӗнле пулӑшма пултараҫҫӗ?

• Иегова мӑшӑрсене мӗнле правилӑсене пӑхӑнма хушнӑ?

• Ҫемьеллӗ пурнӑҫ телейлӗ пултӑр тесен упӑшкипе арӑмӗн мӗн тумалла?