Ҫак юлашки кунсенче пур тӑван та нумай йывӑрлӑхпа тӗл пулать. Хушӑран эпир тӳсекен йывӑрлӑхсем чӑтма ҫук йывӑр пек туйӑнма пултараҫҫӗ. Анчах та эпир малалла та Иеговӑпа ҫывӑхланса пыратпӑр пулсан, вӑл пире питӗ пысӑк йывӑрлӑхсене те чӑтса ирттерме пулӑшӗ (Ис 43:2, 4). Йывӑр вӑхӑтра Иеговӑпа ҫывӑхланса пыма пире мӗн пулӑшӗ?

Кӗлӗ. Эпир хамӑра мӗн пӑшӑрхантарни ҫинчен Иеговӑна пӗтӗмпех каласа паратпӑр пулсан, вӑл пире лӑпкӑлӑх тата пурне те чӑтса ирттерме вӑй парать (Фп 4:6, 7; 1Фс 5:17).

Тӗлпулусем. Иегова тӗлпулусем урлӑ паракан сӑнарлӑ апат тата пухури тӑвансемпе хутшӑнни пире нихҫанхинчен те кирлӗрех (Евр 10:24, 25). Тӗлпулусене хатӗрленнӗ чухне, вӗсене ҫӳренӗ чухне тата комментарисем панӑ чухне Иеговӑн святой сывлӑшӗ пирӗн ҫине туллин витӗм кӳрет (Ӳлӗм 2:29).

Ырӑ хыпар сарни. Ырӑ хыпар сарас ӗҫе хастаррӑн хутшӑнни пире лайӑххи ҫинчен шухӑшлама пулӑшать. Ҫавӑн пекех эпир ырӑ хыпар сарнӑ чухне Иеговӑпа тата хамӑрпа пӗрле ӗҫлекен тӑвансемпе ҫывӑхланса пыратпӑр (1Кр 3:5—10).

«ИЕГОВА САНА ЙЫШӐНАТЬ» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

• Малу тӑвана йывӑр вӑхӑтра Иеговӑпа ҫывӑхланса пыма мӗн пулӑшрӗ?

  Хуравне ҫырса хур

• Псалом 33:19-мӗшӗнчи сӑмахсем Малу тӑвана мӗнле пулӑшрӗҫ тата ҫак сӑмахсем пире мӗнле пулӑшма пултараҫҫӗ?

  Хуравне ҫырса хур

• Эпир йывӑрлӑхсене тӳснӗ чухне Иегова пире «ытла та пысӑк хӑват» панине Малу тӑванӑн тӗслӗхӗ мӗнле кӑтартса парать? (2Кр 4:7).

  Хуравне ҫырса хур