ҪАКӐ МӖНШӖН ПИТӖ КИРЛӖ. Иеговӑна юрӑхлӑ пуҫҫапас тесен ҫынсен унӑн нормисене пӗлмелле тата вӗсем тӑрӑх пурӑнмалла (Ис 2:3, 4). «Туррӑн юратӑвӗ» кӗнеке, Библи вӗренмелли иккӗмӗш тӗп пособи, вӗренекенсене кулленхи пурнӑҫра Библири принципсене мӗнле тытса тӑмаллине курма пулӑшать (Евр 5:14). Вӗренекенӗн чӗрине хускатма тӑрӑшмалла, ҫавна пула вӑл хӑйӗн пурнӑҫӗнче улшӑнусем тума тӑрӑшӗ (Рм 6:17).

ҪАКНА МӖНЛЕ ТУМАЛЛА:

• Вӗренекене мӗн кирлине шута илсе лайӑх хатӗрленӗр. Ӑна хӑйӗн шухӑшӗсене калама хавхалантаракан ыйтусем парӑр. Ҫакӑ вара материала пӑхса тухнӑ вӑхӑтра вӗренекенӗн мӗнле шухӑшсемпе туйӑмсем пулнине курма пулӑшӗ (Ыт 20:5)

• Вӗренекене Библири принципсем усӑллӑ пулнине кӑтартас тесе кӗнекере илсе панӑ рамкӑсемпе усӑ курӑр

• Вӗренекене хӑйӗн совеҫӗ тӑрӑх йышӑнусем тума вӗрентӗр, анчах ҫакӑн пек йышӑнусене ун вырӑнне ан тӑвӑр (Гл 6:5)

• Вӗренекене Библири пӗр-пӗр принциппа усӑ курма пулӑшу кирлипе кирлӗ маррине пӗлме тӑрӑшӑр. Ҫакна сӑпайлӑн тӑвӑр. Кирлӗ улшӑнусем тума сана Иеговӑна юратни пулӑшӗ тесе ӑшшӑн аса илтерӗр (Ыт 27:11; Ин 14:31)