ХРИСТИАНСЕН ПУРНӐҪӖ
Ырӑ хыпар сарас ӑсталӑха лайӑхлататпӑр. Библипе интересленекен ҫынсене тӗлпулусене пыма хавхалантарӑр
ҪАКӐ МӖНШӖН ПИТӖ КИРЛӖ. Христиансен тӗлпулӑвӗсенче эпир Иеговӑна мухтаса юрӑсем юрлама тата ӑна аслӑлама пултаратпӑр (Пс 149:1). Унсӑр пуҫне пирӗн тӗлпулусенче эпир Туррӑн ирӗкне туса тӑма вӗренетпӗр (Пс 142:10). Библи вӗренекенсем тата интересленекенсем пухусене ҫӳреме пуҫласан, ялан тенӗ пекех, чӑнлӑхра ӳсӗмсем хӑвӑртрах тӑваҫҫӗ.
ҪАКНА МӖНЛЕ ТУМАЛЛА:
-
Ҫынна тӗлпулусене пыма тӳрех чӗнме тӑрӑшӑр. Унпа Библи вӗренӗвӗ пуҫланасса кӗтсе ан тӑрӑр (Ӳлӗм 22:17)
-
Интересленекене пуху мӗнле иртни ҫинчен тата ҫитес тӗлпулура мӗн сӳтсе явасси ҫинчен каласа парӑр. Сире акӑ мӗн пулӑшма пултарать: пухӑва чӗнмелли хут, «Турӑ Патшалӑхӗн залӗнче мӗн тӑваҫҫӗ?» видеоролик, «Иеговӑн ирӗкӗ» брошюрӑри 5 тата 7 уроксем
-
Пулӑшу сӗнӗр. Тен, вӗренекене тӗлпулу иртекен вырӑна ҫитме е вырӑнлӑ тумтир суйласа илме пулӑшмалла. Тӗлпулура унпа юнашар ларӑр тата сӳтсе явакан публикацисене пӗрле пӑхма сӗнӗр. Ӑна пухури тӑвансемпе паллаштарӑр