Сӑваплӑ ӗҫе тума пӑрахтарас тесе Сатана пире хӗсӗрлӗ тесе Библире малтанах каласа хунӑ пулнӑ (Ин 15:20; Ӳлӗм 12:17). Хӗсӗрленипе тӗл пулакан христиансене эпир мӗнле пулӑшма пултаратпӑр? Эпир вӗсемшӗн кӗлтума пултаратпӑр. Мӗншӗн тесен «тӳрӗ ҫын тӑрӑшса кӗлтуни нумай пулӑшать» (Иак 5:16).

Кӗлӗре мӗн ҫинчен калама пулать? Иеговӑна тӑвансене хӑюлӑх пар тата вӗсене хӑраса ӳкме ан пар тесе кӗлтума пултаратпӑр (Ис 41:10—13). Ҫавӑн пекех пуҫлӑхсем пире ырӑ хыпар сарма ан чӑрмантарччӑр тесе ыйтма пулать, ҫавна пула эпир малалла та «лӑпкӑ та тӑнӑҫлӑ» пурӑнма пултарӑпӑр (1Тм 2:1, 2).

Павелпа Петр йывӑр лару-тӑрура пулнӑ чухне христиансем вӗсемшӗн, вӗсене ятран асӑнса, кӗлтунӑ (Ап ӗҫ 12:5; Рм 15:30, 31). Хальхи вӑхӑтра хӗсӗрленипе тӗл пулакан тӑвансене кашнине ятран пӗлместпӗр пулин те, эпир хамӑрӑн кӗлӗсенче вӗсен пухӑвне, ҫӗршывне е регионне асӑнма пултаратпӑр-и?