ҪАКӐ МӖНШӖН ПИТӖ КИРЛӖ? Ырӑ хыпар сарнӑ чухне эпир ӗмӗрлӗх пурнӑҫ патне илсе каякан ҫулпа пырас текенсен чӗрине чӑнлӑх вӑррисене акатпӑр, ҫак чӑнлӑх вӑррисене вара Иегова ӳстерет (Ап ӗҫ 13:48; 1Кр 3:7). Турӑпа пӗрле ӗҫлес тетпӗр пулсан, пирӗн ытларах кам Библирен мӗн пӗлсе пынине пурнӑҫра тытса тӑрать, ҫавсене пулӑшса тӑмалла (1Кр 9:26). Библи вӗренекенсен ҫакна ӑнланмалла: ҫӑлӑнас тесен вӗсен шыва кӗмелле (1Пт 3:21). Вӗсем Иисусӑн вӗренекенӗсем пулса тӑччӑр тесе эпир вӗсене хӑйсен пурнӑҫӗнче улшӑнусем тума, ыттисене ырӑ хыпар пӗлтерме тата чӑнлӑха вӗрентме пулӑшатпӑр, ҫавӑн пекех хӑйсен пурнӑҫне Иеговӑна халаллама хавхалантаратпӑр (Мф 28:19, 20).

ҪАКНА МӖНЛЕ ТУМАЛЛА?

• Библи вӗренӗвӗн тӗп тӗллевӗ вӑл — Иеговӑна пӗлсе пырасси тата мӗн пӗлнине пурнӑҫра тытса тӑрасси. Вӗренекене ҫакӑн ҫинчен аса илтерсе тӑрӑр (Ин 17:3)

• Йывӑрлӑхсене ҫӗнтерме пулӑшнипе ӑна чӑнлӑхра ӳсӗмсем тума пулӑшӑр. Сӑмахран, ӑна япӑх йӑласене пӑрахма е япӑх ҫынсемпе хутшӑнассинчен пӑрӑнма пулӑшӑр

• Шыва кӗрес умӗн те, шыва кӗнӗ хыҫҫӑн та ӑна пулӑшса тӑрӑр, хавхалантарӑр (Ап ӗҫ 14:22)

«ИЕГОВА ТУРӐ САНА ПУЛӐШӖ» ВИДЕОРОЛИК ПӐХӐР ТА ҪАК ЫЙТУСЕМ ҪИНЕ ХУРАВЛӐР:

• Мӗншӗн ҫын хӑйӗн пурнӑҫне Иеговӑна халаллама тата шыва кӗме хӑрама пултарать?

• Старейшинӑсем Библи вӗренекенсене чӑнлӑхра ӳсӗмсем тума мӗнле пулӑшма пултараҫҫӗ?

• Исаия 41:10-мӗшӗнчен эпир Иегова ҫинчен мӗн пӗлетпӗр?

• Пирӗн ҫитменлӗхсем пур пулсан та, мӗнле лайӑх енсем пире Иеговӑшӑн шанчӑклӑн ӗҫлеме пулӑшӗҫ?