ХРИСТИАНСЕН ПУРНӐҪӖ
Ырӑ хыпар сарас ӑсталӑха лайӑхлататпӑр. Ыйтусемпе лайӑх усӑ курма вӗренетпӗр
ҪАКӐ МӖНШӖН ПИТӖ КИРЛӖ «Этем чӗринчи ӗмӗт-шухӑш — тарӑн шыв», ҫак шухӑшсене «ӑса-ӑса» илес тесе ыйтусемпе усӑ курма пулать (Ыт 20:5). Ыйтусем ҫынна калаҫӑва хутшӑнтараҫҫӗ. Тӗплӗн шухӑшласа панӑ ыйтусем ӑна лайӑхрах ӑнланма пулӑшаҫҫӗ. Иисус ыйтусемпе питӗ лайӑх усӑ курнӑ. Эпир унран мӗне вӗренме пултаратпӑр?
ҪАКНА МӖНЛЕ ТУМАЛЛА:
-
Ҫынна хӑйӗн шухӑшӗсене калама хавхалантаракан ыйтусем парӑр. Иисус хӑйӗн вӗренекенӗсен шухӑшӗсене пӗлес тесе темиҫе ыйту панӑ (Мф 16:13—16; «Вырӑнлӑ ыйтусем пама пӗлни» хӑнӑхтарӑва пӑхӑр). Эсир вара ҫынна хӑйӗн шухӑшӗсене калама хавхалантарас тесе мӗнле ыйтусем пама пултаратӑр?
-
Ҫынна тӗрӗс пӗтӗмлетӳ тума пулӑшакан ыйтусем парӑр. Петра тӗрӗс пӗтӗмлетӳ тума пулӑшас тесе Иисус ыйту панӑ та тӗрлӗ хуравсем каланӑ (Мф 17:24—26). Эсир вара ҫынна тӗрӗс пӗтӗмлетӳ тума пулӑшас тесе мӗнле ыйтусем пама пултаратӑр?
-
Итлекене мухтаса илӗр. Пӗр кӗнекеҫӗ «ӑслӑ хуравланине» илтсен Иисус ӑна мухтаса илнӗ (Мк 12:34). Эсир вара ыттисене мӗнле мухтаса илме пултаратӑр?
«ИИСУС ТУНӐ ӖҪЕ ТУСА ТӐРӐР. ВӖРЕНТӖР» ВИДЕОРОЛИКӐН ПӖРРЕМӖШ ПАЙНЕ ПӐХӐР ТА ҪАК ЫЙТУСЕМ ҪИНЕ ХУРАВЛӐР:
-
Арҫын тӑван материала тӗрӗс уҫса панӑ пулсан та, мӗншӗн ҫапла вӗрентни тӗрӗс мар?
-
Мӗншӗн пӗлӳ пани ҫеҫ ҫителӗксӗр?
ВИДЕОРОЛИКӐН ИККӖМӖШ ПАЙНЕ ПӐХӐР ТА ҪАК ЫЙТУСЕМ ҪИНЕ ХУРАВЛӐР:
-
Мӗншӗн арҫын тӑван ыйтусемпе лайӑх усӑ курнӑ теме пулать?
-
Ҫак видеороликра кӑтартнӑ тата мӗнле вӗрентмелли меслетсемпе эсир усӑ курасшӑн?