Ҫак ҫултанпа Ҫӳлхуҫан Каҫхи апат уявне хатӗрленме пирӗн нумайрах вӑхӑт пулӗ. Каҫхи апат уявӗ эрне варринче пулать пулсан, ҫав эрнере «Пурнӑҫпа сӑваплӑ ӗҫ» тӗлпулӑва ирттермӗҫ. Енчен те Каҫхи апат уявӗ канмалли кунсене лекет пулсан, «Хурал башнине» сӳтсе явни тата доклад пулмӗ. Пушаннӑ вӑхӑтпа лайӑхрах усӑ курас тесен мӗн тумалла? Ҫак событи тивӗҫлӗн ирттӗр тесен пирӗн, пӗрремӗш ӗмӗрти христиансем пекех, пӗтӗмпех лайӑх йӗркелемелле (Лк 22:7—13; km 15/3 1 с). Ҫавӑн пекех пирӗн хамӑр чӗрене те хатӗрлемелле. Ҫакна мӗнле тумалла-ши?

• Мӗншӗн ҫак уявра пулмалли ҫинчен шухӑшласа пӑх (1Кр 11:23—26).

• Хӑвпа Иегова хушшинчи хутшӑнусем ҫинчен шухӑшла та ҫавӑн ҫинчен Иеговӑпа калаҫ (1Кр 11:27—29; 2Кр 13:5).

• Каҫхи апат уявӗн пӗлтерӗшне ӑнлантаракан сӑвӑ йӗркисене вула тата мӗн вулани ҫинчен шухӑшла (Ин 3:16; 15:13).

Хӑш-пӗрисем Библие «Сӑваплӑ Ҫырӑва тишкерни» брошюрӑра илсе панӑ график тӑрӑх вулаҫҫӗ. Теприсем — ҫак тата тепӗр страницӑра илсе панӑ график тӑрӑх. Виҫҫӗмӗшӗсем вара Каҫхи апат уявӗ ҫинчен тата Иеговӑпа Иисус пире мӗнле юратни ҫинчен калакан «Хурал башнинчи» статьясене вулаҫҫӗ. Кашни хӑйне килӗшнӗ пек тӗпчеме пултарать. Чи кирли вӑл — ҫакӑ сана Иеговӑпа тата унӑн Ывӑлӗпе тата ытларах ҫывӑхланма пулӑштӑр.