Турӑ Патшалӑхӗ килессе эсӗ мӗн чухлӗ вӑхӑт хушши кӗтсе тӑратӑн? Тен, санӑн нумай йывӑрлӑх тӳсме тивет (Рм 8:25). Хӑш-пӗр христиансене кураймаҫҫӗ, теприсем тӗрӗсмарлӑха тӳсеҫҫӗ, виҫҫӗмӗшӗсене вара тӗрмене лартаҫҫӗ е вӗлерессипе те хӑратаҫҫӗ. Нумайӑшӗ вӑраха кайнӑ чире е ватӑлнине пула асапланать.

Йывӑрлӑхсене пӑхмасӑрах кӗтсе тӑма пире мӗн пулӑшӗ? Кашни кун Библи вуласа тата мӗн вулани ҫинчен шухӑшласа хамӑрӑн ӗненӗве ҫирӗплетмелле. Хамӑрӑн шанчӑка куҫран вӗҫертмелле мар (2Кр 4:16—18; Евр 12:1, 2). Иеговӑна кӗлтумалла тата унран святой сывлӑш ыйтмалла (Лк 11:10, 13; Евр 5:7). Пире юратакан Аттемӗр «пурне те савӑнса чӑтса ирттерме» пулӑшӗ (Кл 1:11).

«ПИРӖН „ЧӐТӐМЛӐ ПУЛСА“ ЧУПМАЛЛА. НАГРАДА ИЛЕССИ ПИРКИ АН ИККӖЛЕНӖР» ВИДЕОРОЛИК ПӐХӐР ТА ҪАК ЫЙТУСЕМ ҪИНЕ ХУРАВЛӐР:

• «Вӑхӑтран, ӑнсӑртран» мӗн пулса тухма пултарать? (Ек 9:11)

• Йывӑр килнӗ вӑхӑтра кӗлтуни мӗнле пулӑшать?

• Иеговӑшӑн ӗҫлесе унчченхи пекех нумай тӑваймастпӑр пулсан мӗншӗн хамӑр мӗн тума пултарасси ҫинчен шухӑшламалла?

• Награда илессе ҫирӗп шанма сана мӗн пулӑшать?