47-МӖШ УРОК
Эсир шыва кӗме хатӗр-и?
Эсир Библи вӗреннӗ май Иегова ҫинчен нумай мӗн пӗлтӗр паллах. Эсир ҫав пӗлӳсенчен хӑш-пӗрисене пурнӑҫра та тытса тӑма пуҫларӑр пуль. Тен, эсир хӑш-пӗр сӑлтавсене пула хӑвӑр пурнӑҫа Иеговӑна халаллама тата шыва кӗме хатӗр мар тесе шутлатӑр. Ҫак урокра эпир ҫынна шыва кӗме мӗн чӑрмантарнине тата ҫав чӑрмавсене мӗнле ҫӗнтермеллине пӑхса тухӑпӑр.
1. Шыва кӗрес тесен мӗн чухлӗ пӗлӳ илмелле?
Шыва кӗриччен сирӗн «чӑнлӑха пӗлсе» ҫитмелле (1 Тимофей 2:4, Ҫӗнӗ Халал). Ҫакӑ ҫынсем Библи пирки паракан кашни ыйту ҫине сирӗн мӗнле хуравламаллине пӗлмелле тенине пӗлтермест. Нумай ҫул каялла шыва кӗнӗ христиансем те Библи вӗренсе хӑйсен пӗлӗвне ӳстерсех тӑраҫҫӗ (Колоссӑ 1:9, 10). Анчах сирӗн Библири тӗп вӗрентӳсене лайӑх ӑнланмалла. Пухури старейшинӑсем сире Библирен эсир ҫителӗклӗ пӗлӳ илнипе илменнине пӗлме пулӑшӗҫ.
2. Шыва кӗрес тесен мӗн тумалла?
Шыва кӗрес умӗн икӗ кирлӗ утӑм тумалла. Библи ҫапла тума хавхалантарать: «Ӳкӗнӗр, Ун патне таврӑнӑр». (Апостолсен ӗҫӗсем 3:19 вулӑр.) Апла пулсан, сирӗн хӑвӑр унччен тунӑ ҫылӑхсемшӗн ӳкӗнмелле те Иеговӑран хӑвӑра каҫарма ыйтмалла. Ҫавӑн пекех, сирӗн Иегова каланӑ пек пурӑнма тата вӑл юратман ӗҫсене тума пӑрахма ҫирӗп шут тытмалла. Унсӑр пуҫне, сирӗн пухӑвӑн тӗлпулӑвӗсене ҫӳремелле тата пухури тӑвансемпе пӗрле ырӑ хыпар сармалла.
3. Мӗншӗн шыва кӗме хӑрамалла мар?
Хӑш-пӗрисем хӑйсем Иеговӑна панӑ сӑмаха тытаймасран хӑраҫҫӗ. Чӑнах та, хутран-ситрен эсир йӑнӑшсем тӑватӑрах. Библире каланӑ шанчӑклӑ арҫынсемпе хӗрарӑмсем те йӑнӑшсем тунӑ. Анчах Иегова хӑйӗн ӗҫлекенӗсенчен вӗсем пӗр ҫитменлӗхсӗр пуласса кӗтмест. (Псалом 102:13, 14 вулӑр.) Вӑл эсир мӗн тума пултарнине пурне те тунине кура савӑнать! Вӑл сире пулӑшатех. Иегова сире ҫакна шантарса каласшӑн: ӑна сире юратма нимӗн те чӑрмантарма пултараймасть. (Рим 8:38, 39 вулӑр.)
НУМАЙРАХ ПӖЛӖР
Иегова ҫинчен пӗлсе пыни тата унӑн пулӑшӑвӗ сире шыва кӗме чӑрмантаракан йывӑрлӑхсене ҫӗнтерме мӗнле пулӑшнине пӗлӗр.
4. Иеговӑна лайӑхрах та лайӑхрах пӗлсе пырӑр
Шыва кӗриччен Иеговӑна сирӗн мӗн таран лайӑх пӗлмелле? Сирӗн ӑна ҫителӗклӗ пӗлмелле. Ҫав пӗлӳ сире ӑна юратма тата ӑна юрӑхлӑ пулма хавхалантармалла. ВИДЕО пӑхӑр та тӗрлӗ ҫӗршыври ҫынсем шыва кӗме мӗнле хатӗрленнине курӑр. Унтан ҫак ыйтӑва сӳтсе явӑр.
-
Ҫак ҫынсене шыва кӗме хатӗрленме мӗн пулӑшнӑ?
Рим 12:2 вулӑр та ҫак ыйтусене сӳтсе явӑр:
-
Библири хӑш-пӗр вӗрентӳсем пирки сирӗн иккӗленӳсем пур-и тата эсир Иегова Свидетелӗсем чӑнлӑха вӗрентни пирки иккӗленетӗр-и?
-
Ку ҫапла пулсан, ҫав иккӗленӳсене пӗтерес тесе эсир мӗн тума пултаратӑр?
5. Шыва кӗме ниме те чӑрмантарма ан парӑр!
Эпир хамӑр пурнӑҫа Иеговӑна халаллама тата шыва кӗме шут тытсан, эпир пурте йывӑрлӑхсемпе тӗл пулӑпӑр. Акӑ пӗр хӗрарӑмӑн тӗслӗхӗ. ВИДЕО пӑхӑр та ҫак ыйтусене сӳтсе явӑр.
-
Ҫак хӗрарӑма шыва кӗме мӗн чӑрмантарнӑ?
-
Иеговӑна юратни ӑна ҫав чӑрмавсене ҫӗнтерме мӗнле пулӑшнӑ?
Ытарӑшсем 29:25 тата 2 Тимофей 1:7 вулӑр та ҫак ыйтӑва сӳтсе явӑр:
-
Пире хӑюллӑ пулма тата хӑрама пӑрахма мӗн пулӑшӗ?
6. Иегова пулӑшасса шанӑр
Иегова сире хӑйне юрӑхлӑ пулма пулӑшӗ. ВИДЕО пӑхӑр та ҫак ыйтусене сӳтсе явӑр.
-
Мӗншӗн ҫак арҫын шыва кӗме васкаман?
-
Иеговӑна шанма вӗренме ӑна мӗн пулӑшнӑ?
Исаия 41:10, 13 вулӑр та ҫак ыйтӑва сӳтсе явӑр:
-
Эсир хӑвӑр пурнӑҫа Иеговӑна халалланӑ чухне сӑмах паратӑр. Мӗншӗн эсир ҫав сӑмаха тытма пултарасса шанма пултаратӑр?
7. Иеговӑн юратӑвне хаклӑр
Эсир хӑвӑра Иегова питӗ хытӑ юратни ҫинчен мӗн чухлӗ нумайрах шухӑшлатӑр, ҫавӑн чухлӗ ытларах эсир ӑна пархатарлӑ пулатӑр тата ҫавӑн чухлӗ вӑйлӑрах сирӗн уншӑн ӗмӗр-ӗмӗрӗпе ӗҫлесе тӑрас килӗ. Псалом 39:6 вулӑр та ҫак ыйтӑва сӳтсе явӑр:
-
Иегова панӑ пиллӗхсенчен хӑшӗшӗн эсир уйрӑмах пархатарлӑ?
Иеремия Иеговӑна тата унӑн Сӑмахне юратнӑ. Вӑл Иеговӑшӑн ӗҫлессине питӗ хакланӑ. Иеремия ҫапла каланӑ: «Санӑн сӑмаху манӑн чӗреме савӑнӑҫпа хаваслӑх кӳчӗ... [мӗншӗн тесен] эпӗ Санӑн ятупа хисепленетӗп» (Иеремия 15:16). Ҫак ыйтусем ҫине хуравлӑр:
-
Мӗншӗн Иегова Свидетелӗ пуласси вӑл — пысӑк чыс?
-
Сирӗн шыва кӗрсе Иегова Свидетелӗ пулса тӑрас кӑмӑл пур-и?
-
Ҫак утӑма тума сире мӗн те пулин чӑрмантарать-и?
-
Эсир мӗнле шутлатӑр: шыва кӗрес тӗллеве пурнӑҫлас тесен сирӗн тата мӗн тумалла?
ХӐШ-ПӖРИСЕМ ҪАПЛА КАЛАМА ПУЛТАРАҪҪӖ: «Шыва кӗресси вӑл — питӗ пысӑк яваплӑх. Ку манран пулмасть пуль».
-
Эсир те ҫавӑн пек шутлатӑр-и?
ТӖП ШУХӐШ
Иегова пулӑшнипе эсир хӑвӑра шыва кӗме чӑрмантаракан пур йывӑрлӑха та ҫӗнтерме пултаратӑр.
Вӗреннине аса илни
-
Шыва кӗрес тесен Библие мӗн таран лайӑх пӗлмелле?
-
Шыва кӗриччен сирӗн хӑвӑр пурнӑҫра мӗнле улшӑнусем тумалла?
-
Мӗншӗн ҫав утӑма тума хӑрамалла мар?
ТӖПЧЕМЕЛЛИ
Сире шыва кӗме мӗн хавхалантармалла?
Шыва кӗме мӗн чӑрмантарма пултарнине тата вӗсене мӗнле ҫӗнтермеллине пӗлӗр.
«Шыва кӗме мана мӗн чӑрмантарать?» («Хурал башни», 2019 ҫулхи март)
Пӗр арҫынна хӑйне шыва кӗме чӑрмантаракан пысӑк йывӑрлӑхсене ҫӗнтерме мӗн пулӑшнине пӗлӗр.
Чи малтан Ата шыва кӗресшӗн пулман. Ӑна ҫак кирлӗ утӑма тума мӗн хавхалантарнине пӑхӑр.
Сире ҫакӑ та интереслентерме пултарать
ҪЫНСЕМ ЧАС-ЧАСАХ ПАРАКАН ЫЙТУСЕМ
Иегова Свидетелӗсен Библи вӗренмелли курсӗ мӗн вӑл?
Иегова Свидетелӗсен Библире мӗн каланине пӗлме пулӑшакан курс пур. Вӗреннӗ чухне эсир хӑвӑр Библипе усӑ курма пултаратӑр тата хӑвӑр ҫемйӳне тата тусусене чӗнме пултаратӑр.
