Турӑ Патшалӑхӗ мӗн туса парӗ?
Библире мӗн каланӑ?
Турӑ Патшалӑхӗ ҫынсен правительствисене пурне те пӗтерӗ, хӑй вара пӗтӗм ҫӗрпе ертсе пырӗ (Даниил 2:44; Ӳлӗмхи 16:14). Турӑ Патшалӑхӗ ертсе пыма пуҫласан мӗн-мӗн тӑвӗ?
Хӑйсем ҫинчен ҫеҫ шутлакан йӗркесӗр ҫынсене пӗтерӗ, мӗншӗн тесен вӗсене пула эпир пурте хӗн куратпӑр. «Йӗркесӗр ҫынсене... ҫӗр ҫинчен пӗтерӗҫ» (Ытарӑшсем 2:22).
Пӗтӗм ҫӗр ҫийӗпе вӑрҫӑсене пӗтерӗ. «[Турӑ] вӑрҫа ҫӗр чиккине ҫитиех» чарӗ (Псалом 45:10).
Пӗтӗм ҫӗр чӑмӑрӗпе мирлӗ те лӑпкӑ пурнӑҫ пулӗ тата ҫынсем тулӑхлӑ пурнӑҫпа пурӑнӗҫ. «Кашнийӗ хӑйӗн иҫӗм йывӑҫӗ айӗнче, хӑйӗн смоква йывӑҫӗ айӗнче ларӗ, вӗсене никам та хӑратмӗ» (Михей 4:4).
Пӗтӗм ҫӗре рай тӑвӗ. «Пушхир, типӗ ҫӗр хӗпӗртенӗ, этем пурӑнман ҫӗр хавасланӗ, нарцисс евӗр чечекленӗ» (Исаия 35:1).
Кашнине хӑйне килӗшекен, кӑмӑла ҫырлахтаракан ӗҫ парӗ. «[Турӑ] суйласа илнийӗсем хӑйсен алли ӗҫӗпе чылайччен усӑ курӗҫ. Ытахаль ӗҫлемӗҫ» (Исаия 65:21—23).
Чирсене пӗтерӗ. «Пӗри те: „эпӗ чирлӗ“ тесе каламӗ» (Исаия 33:24).
Ватлӑха пӗтерӗ. «Вара унӑн ӳчӗ-тирӗ ҫамрӑк чухнехинчен те чӗрӗрех пулӗ; ҫамрӑклӑхӗ каялла таврӑнӗ» (Иов 33:25).
Вилнӗ ҫынсене чӗртсе тӑратӗ. «Виле шӑтӑкӗнче выртакансем пурте... [Иисусӑн] сассине илтӗҫ те тухӗҫ» (Иоанн 5:28, 29).