A Wnaeth Duw Ddefnyddio Esblygiad i Greu’r Gwahanol Fathau o Fywyd?
Ateb y Beibl
Naddo. Dywed y Beibl yn eglur fod Duw wedi creu bodau dynol yn ogystal â phob “math” o anifeiliaid a phlanhigion. a (Genesis 1:12, 21, 25, 27; Datguddiad 4:11) Dywed fod y teulu dynol i gyd yn ddisgynyddion i Adda ac Efa, ein rhieni cyntaf. (Genesis 3:20; 4:1) Nid yw’r Beibl yn cefnogi’r syniad bod Duw wedi creu’r gwahanol fathau o fywyd drwy broses esblygiad, damcaniaeth a elwir weithiau yn esblygiad theistaidd. Y gwir yw, nid oes dim yn y Beibl sy’n anghytuno â gwyddonwyr sy’n dweud bod amrywiaethau i’w gweld o fewn y mathau gwahanol o fywyd. b
A wnaeth Duw ddefnyddio esblygiad?
Mae’r term “esblygiad theistaidd” yn cwmpasu amrywiaeth eang o syniadau. Yn ôl yr Encyclopædia Britannica, mae’r term yn hyrwyddo’r syniad “mai dethol naturiol yw un o’r prosesau y mae Duw’n eu defnyddio i reoli byd natur.”
Mae esblygiad theistaidd yn gallu cynnwys y syniadau canlynol:
Bod tarddiad cyffredin i bob organeb byw yn y gorffennol pell.
Bod un math o fywyd yn gallu esblygu yn fath hollol wahanol. Macro-esblygiad yw’r term a ddefnyddir weithiau i gyfeirio at y cysyniad hwn.
Bod Duw rywsut yn gyfrifol yn y pen draw am y prosesau hyn.
A yw esblygiad yn cyd-fynd â’r Beibl?
Mae esblygiad theistaidd yn awgrymu nad yw hanes y creu yn y Beibl yn hollol gywir. Sut bynnag, cyfeiriodd Iesu at yr hanes yn Genesis fel ffaith. (Genesis 1:26, 27; 2:18-24; Mathew 19:4-6) Mae’r Beibl yn dweud bod Iesu yn byw yn y nefoedd gyda Duw cyn iddo ddod i’r ddaear, a’i fod wedi helpu Duw i wneud “popeth sy’n bod.” (Ioan 1:3) Felly, mae’r syniad bod Duw wedi defnyddio esblygiad i greu’r gwahanol ffurfiau ar fywyd yn anghyson â dysgeidiaeth y Beibl.
Beth am allu anifeiliaid a phlanhigion i addasu i’r amgylchedd?
Nid yw’r Beibl yn esbonio faint o amrywiaeth all ddigwydd o fewn un “math” o fywyd. Ac nid yw’n anghytuno â’r ffaith bod gwahanol anifeiliaid a phlanhigion a grëwyd gan Dduw yn gallu amrywio wrth atgenhedlu, neu addasu i amgylcheddau newydd. Er bod rhai yn ystyried yr addasiadau hyn yn ffurf ar esblygiad, nid yw’r addasiadau yn creu mathau newydd o fywyd.
a Mae’r gair “math” yn y Beibl yn ehangach ei ystyr na’r gair “rhywogaeth” fel y defnyddir gan wyddonwyr. Yn aml, nid yw’r hyn y mae gwyddonwyr yn ei alw yn esblygiad rhywogaeth newydd yn ddim mwy nag amrywiaeth o fewn “math,” fel y mae’r hanes yn Genesis yn defnyddio’r gair.
b Micro-esblygiad yw’r term a ddefnyddir weithiau i gyfeirio at y cysyniad hwn.
Efallai Byddwch Hefyd yn Hoffi
DYSGEIDIAETHAU PWYSIG Y BEIBL
A Gafodd y Bydysawd ei Greu?
Mae’r hanes y creu yn y Beibl yn aml yn cael ei gamddeall neu hyd yn oed ei ddiystyru fel chwedl. Ydy’r hyn mae’r Beibl yn ei ddweud yn rhesymol?
CWESTIYNAU CYFFREDIN
Ydy Tystion Jehofa yn Greadyddion?
A oeddech chi’n gwybod bod rhai syniadau creadyddion yn mynd yn groes i’r hyn mae’r Beibl yn ei ddysgu?
LLYFRAU A LLYFRYNNAU
A Gafodd Bywyd ei Greu?
Mae beth rydych yn ei gredu am darddiad bywyd yn bwysig iawn.
