BYDDWCH YN WYLIADWRUS!
2022: Blwyddyn o Helynt—Beth Mae’r Beibl yn ei Ddweud?
Yn ystod 2022, mae’r newyddion wedi bod yn llawn o ryfeloedd, problemau economaidd, a thrychinebau naturiol. Dim ond y Beibl sy’n esbonio gwir ystyr y digwyddiadau hyn.
Gwir ystyr digwyddiadau 2022
Mae digwyddiadau’r flwyddyn ddiwethaf yn ei gwneud hi’n amlwg ein bod ni’n byw yn ystod cyfnod mae’r Beibl yn ei alw “y dyddiau olaf.” (2 Timotheus 3:1) Cychwynnodd y cyfnod hwnnw ym 1914. Dewch inni gymharu beth ragfynegodd y Beibl â beth sydd wedi digwydd yn ddiweddar:
‘Rhyfeloedd.’—Mathew 24:6.
“2022 Oedd y Flwyddyn Daeth Helbul Rhyfel yn ôl i Ewrop.” a
Gweler yr erthygl “Rwsia yn Ymosod ar Wcráin.”
‘Prinder bwyd.’—Mathew 24:7.
“2022: Blwyddyn o Newyn Ofnadwy.” b
Gweler yr erthygl “Rhyfel yn Wcráin yn Gwaethygu Prinder Bwyd Byd-eang.”
“Heintiau.”—Luc 21:11.
“Daeth polio yn ôl, daeth brech y mwncïod yn broblem fawr, ac mae effeithiau COVID-19 yn dal ar led. Mae’r sefyllfa wedi ei gwneud hi’n amlwg pa mor beryglus ydy afiechydon heintus a pha mor agored i niwed mae dynolryw.” c
Gweler yr erthygl “6 Miliwn o Farwolaethau COVID.”
“Pethau dychrynllyd.”—Luc 21:11.
“Tymheredd uchel, sychder, tanau gwyllt, a llifogydd. Yn sicr, bydd haf 2022 yn cael ei gofio am ei dywydd eithafol a wnaeth nid yn unig achosi cymaint o ddifrod, ond hefyd lladd cannoedd ar filoedd o bobl, ac achosi i filiynau ledled y byd golli eu tai.” d
Gweler yr erthygl “Tymereddau Uwch Nag Erioed ar Draws y Byd.”
‘Cynnwrf [neu, “gwrthryfeloedd,” tdn.].’—Luc 21:9.
“Gan fod pobl mor ddig am broblemau economaidd, yn enwedig chwyddiant uchel, roedd ’na brotestiadau enfawr yn erbyn llywodraethau yn 2022.” e
Gweler yr erthygl “Chwyddiant yn Codi yn Fyd-Eang.”
Beth fydd yn digwydd blwyddyn nesaf?
All neb wybod yn sicr beth fydd yn digwydd yn 2023. Ond, rydyn ni’n gwybod bydd Teyrnas Dduw, sef ei lywodraeth nefol, yn gwneud newidiadau mawr ar y ddaear yn fuan. (Daniel 2:44) Bydd y llywodraeth honno yn cael gwared ar bopeth sy’n achosi dioddefaint ac yn sicrhau bydd ewyllys Duw yn cael ei wneud ar y ddaear.—Mathew 6:9, 10.
Rydyn ni’n eich annog chi i ddilyn cyngor Iesu Grist a bod yn effro i sut mae digwyddiadau’r byd yn cyflawni proffwydoliaethau’r Beibl. (Marc 13:37) Cysylltwch â ni os ydych chi eisiau dysgu mwy am sut gall y Beibl eich helpu chi a’ch teulu nawr a rhoi gobaith go iawn am y dyfodol.
a AP News, “2022 Was Year the Horror of War Returned to Europe,” gan Jill Lawless, Rhagfyr 8, 2022.
b Rhaglen Fwyd y Byd, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” gan Lawrence O. Gostin, JD, Medi 22, 2022.
d Earth.Org, “What’s Behind the Record-Breaking Extreme Weather Events of Summer 2022?” gan Martina Igini, Hydref 24, 2022.
e Carnegie Endowment for International Peace, “Economic Anger Dominated Global Protests in 2022,” gan Thomas Carothers a Benjamin Feldman, Rhagfyr 8, 2022.
Efallai Byddwch Hefyd yn Hoffi
ATEBION I GWESTIYNAU AM Y BEIBL
Beth Yw Arwyddion y “Dyddiau Diwethaf” neu’r “Cyfnod Olaf”?
Rhagfynegodd y Beibl lawer o bethau a fyddai gyda’i gilydd yn arwydd o’r dyddiau diwethaf.
Y TŴR GWYLIO
Bydd Duw yn Rhoi Terfyn ar Ein Holl Ddioddefaint
Sut rydyn ni’n gwybod y bydd Duw yn dod â phob dioddefaint ac anghyfiawnder i ben?
DYSGEIDIAETHAU PWYSIG Y BEIBL
Beth Yw Teyrnas Dduw?
Trwy gydol ei weinidogaeth, dysgodd Iesu am Deyrnas Dduw yn fwy nag unrhyw bwnc arall. Ers canrifoedd, mae ei ddilynwyr wedi bod yn gweddïo i’r Deyrnas honno ddod.
DYSGEIDIAETHAU PWYSIG Y BEIBL
Dechreuodd Teyrnas Dduw Reoli ym 1914
Dros 2,600 o flynyddoedd yn ôl, gwnaeth Duw ysbrydoli brenin pwerus i gael breuddwyd broffwydol sy’n cael ei chyflawni nawr.
PYNCIAU ERAILL
Gobaith Go Iawn am Ddyfodol Gwell
Pam mae addewidion y Beibl yn wahanol i’r hyn mae pobl yn ei addo a’i ragfynegi?
