BYDDWCH YN WYLIADWRUS!
Gwyddonwyr yn Symud Cloc Dydd y Farn Ymlaen—Beth Mae’r Beibl yn ei Ddweud?
Ar 24 Ionawr, 2023, symudodd gwyddonwyr fys mawr Cloc Dydd y Farn a yn nes at hanner nos, sy’n cynrychioli diwedd y byd.
“Ddydd Mawrth, cafodd ‘Cloc Dydd y Farn,’ sydd yn symbol o’r peryglon sy’n wynebu’r byd, ei symud yn nes at hanner nos nag erioed o’r blaen oherwydd y rhyfel yn Wcráin, ofn rhyfel niwclear, ac argyfwng yr hinsawdd.”—AFP International Text Wire.
“Datgelodd gwyddonwyr ddydd Mawrth fod bys mawr ‘Cloc Dydd y Farn’ wedi cael ei symud i 90 eiliad cyn hanner nos—dyna’r agosaf y mae’r ddynolryw erioed wedi bod at armageddon.”—ABC News.
“Mae panel o wyddonwyr rhyngwladol wedi rhybuddio bod y peryg y bydd y ddynoliaeth yn dinistrio ei hun yn fwy nag erioed o’r blaen.”—The Guardian.
A fydd y ddaear a phawb arni’n cael eu dinistrio’n fuan? A ddylen ni fod ag ofn wrth feddwl am y dyfodol? Beth mae’r Beibl yn ei ddweud?
Beth fydd yn digwydd?
Yn ôl y Beibl, “mae’r ddaear yn aros am byth” a bydd pobl “yn aros yno am byth.” (Pregethwr 1:4, Beibl Cymraeg Newydd Diwygiedig; Salm 37:29) Felly fydd pobl ddim yn dinistrio’r ddaear nac yn ei difetha i’r fath raddau na fydd unrhyw fywyd yn gallu bodoli.
Sut bynnag, mae’r Beibl yn sôn am ddiwedd. Er enghraifft, mae’n dweud bod y “byd yn mynd heibio.”—1 Ioan 2:17.
I weld beth mae’r Beibl yn ei feddwl wrth gyfeirio at ddiwedd y byd, gweler yr erthygl “Ydy’r Byd yn Dod i Ben? Beth Yw’r Apocalyps?”
I weld beth mae’r Beibl yn ei ddweud o ran pryd bydd pethau’n digwydd, gweler yr erthygl “When Will the World End?”
Aros yn bositif
Mae’r Beibl yn gallu ein helpu ni i aros yn bositif er gwaethaf y problemau yn y byd ar hyn o bryd. Ym mha ffordd?
Mae’r Beibl yn llawn cyngor ymarferol. (2 Timotheus 3:16, 17) Er enghraifft, gweler yr erthygl “Sut i Reoli Pryder” i weld sut gall y Beibl eich helpu chi i aros yn bositif er gwaethaf heriau bywyd.
Mae’r Beibl yn cynnig gobaith am ddyfodol gwell. (Rhufeiniaid 15:4) Mae’n esbonio yn union beth gallwn ni ei ddisgwyl, nawr ac yn y dyfodol, ac mae hynny yn ein helpu ni i aros yn hyderus ni waeth beth sy’n digwydd yn y byd.
Er mwyn cael y budd mwyaf o’r Beibl, rydyn ni’n eich gwahodd chi i edrych ar ein cwrs astudio’r Beibl. Mae’r cwrs am ddim ac mae arweiniad ar gael.
a “Cloc symbolaidd yw Cloc Dydd y Farn, sy’n dangos pa mor agos ydyn ni at ddinistrio’r byd drwy’r dechnoleg beryglus rydyn ni wedi ei chreu. Metaffor yw’r cloc sy’n ein hatgoffa ni am y peryglon y mae’n rhaid inni fynd i’r afael â nhw os ydyn ni’n mynd i oroesi ar y blaned hon.”—Bulletin of the Atomic Scientists.
Efallai Byddwch Hefyd yn Hoffi
ATEBION I GWESTIYNAU AM Y BEIBL
Beth yw Rhyfel Armagedon?
Dim ond unwaith mae’r gair Armagedon i’w weld yn y Beibl, ond ceir cyfeiriadau i’r rhyfel hwn drwy gydol y Beibl.
DYSGEIDIAETHAU PWYSIG Y BEIBL
Pam Mae Duw yn Caniatáu Dioddefaint?
Mae gan y Beibl ateb calonogol sy’n cysuro.
DYSGEIDIAETHAU PWYSIG Y BEIBL
Pam Creodd Duw y Ddaear?
Mae ein byd yn llawn harddwch. Mae wedi ei osod ar y pellter perffaith o’r haul, mae ongl ei gogwydd yn berffaith, ac mae’n cylchdroi ar y cyflymder perffaith. Pam rhoddodd Duw gymaint o ymdrech i greu’r ddaear?
