“Mae’r argyfwng amgylcheddol yn rhoi straen ar bobl, ar ddinasoedd ac ar systemau ecolegol. Mae’r stormydd yn fwy ffyrnig oherwydd newidiadau i’r amgylchedd ac o ganlyniad yn dinistrio cartrefi a bywoliaeth pobl ledled y byd. Mae systemau ecolegol y cefnfor yn cynhesu, ac yn bygwth bodolaeth helaeth o rywogaethau.”—Inger Andersen, is-ysgrifennydd cyffredinol y Cenhedloedd Unedig a chyfarwyddwr gweithredol o Gynllun yr Amgylchedd y Cenhedloedd Unedig, 25 Gorffennaf, 2023.

 A fydd llywodraethau yn gallu gweithio gyda’i gilydd i ddatrys y problemau sy’n effeithio ar y byd cyfan? A oes ganddyn nhw’r gallu i ddod o hyd i’r atebion parhaol?

 Mae’r Beibl yn sôn am lywodraeth sydd yn gallu datrys holl broblemau amgylcheddol y byd, a dyna’n union beth fydd llywodraeth Duw yn ei wneud. Mae’n dweud: “Bydd Duw’r nefoedd yn sefydlu teyrnas,” sef llywodraeth a fydd yn rheoli dros faterion y ddaear. (Daniel 2:44) O dan y llywodraeth hon, “fydd neb yn gwneud drwg nac yn dinistrio dim.” Mae hyn yn golygu na fydd pobl yn brifo ei gilydd nac yn niweidio’r ddaear.—Eseia 11:9.