Yn ôl adroddiad y Cenhedloedd Unedig:

•   Rhwng Hydref 7 a 23, 2023, cafodd 6,400 eu lladd a 15,200 eu hanafu yn y gwrthdaro rhwng Gasa ac Israel, a’r rhan fwyaf ohonyn nhw’n bobl gyffredin. Ar ben hynny, mae cannoedd o filoedd wedi gorfod gadael eu cartrefi.

•   Erbyn 24 Medi, 2023, yn y rhyfel rhwng Rwsia a’r Wcráin, roedd 9,701 o bobl gyffredin wedi marw a 17,748 wedi’u hanafu.

 Pa obaith mae’r Beibl yn ei gynnig i bobl sy’n dioddef o ganlyniad i ryfeloedd?

 Mae’r Beibl yn dweud y bydd Duw yn “dod â rhyfeloedd i ben drwy’r ddaear gyfan.” (Salm 46:9) Fe fydd yn defnyddio ei Deyrnas, sydd yn llywodraeth nefol, i ddisodli pob llywodraeth ddynol. (Daniel 2:44) Bydd Teyrnas Dduw yn datrys holl broblemau dynolryw.

 Sylwch ar beth y bydd Brenin Teyrnas Dduw, Iesu Grist yn ei wneud:

•   “Mae’n achub y rhai sy’n galw arno mewn angen, a’r tlawd sydd heb neb i’w helpu. Mae’n gofalu am y gwan a’r anghenus, ac yn achub y tlodion. Mae’n eu rhyddhau nhw o afael gormes a thrais.”—Salm 72:12-14.

 Drwy gyfrwng ei Deyrnas, bydd Duw yn dad-wneud yr holl dristwch a dioddefaint y mae rhyfel yn eu hachosi.

•   “A bydd ef yn sychu pob deigryn o’u llygaid nhw, ac ni fydd marwolaeth mwyach, ac ni fydd galar na llefain na phoen mwyach. Mae’r hen bethau wedi diflannu.”—Datguddiad 21:4.

 Yn fuan, bydd Teyrnas Dduw yn dod â newidiadau mawr i’r ddaear. Mae’r Beibl yn dweud ein bod ni’n “mynd i glywed am ryfeloedd a chlywed sôn am ryfeloedd,” a dyna sy’n digwydd heddiw. (Mathew 24:6) Mae hyn yn dangos ein bod ni’n byw yn ‘nyddiau olaf’ llywodraethau dynol.—2 Timotheus 3:1.