A Fydd Terfysgaeth yn Dod i Ben Ryw Ddydd?
Ar ôl ymosodiad terfysgol, hwyrach eich bod chi’n gofyn i chi’ch hun: ‘A oes ots gan Dduw? Pam mae pethau fel hyn yn digwydd? A fydd terfysgaeth a yn dod i ben ryw ddydd? Sut galla i fyw gyda’r fath ofn?’ Gall y Beibl ateb y cwestiynau hyn.
Sut mae Duw yn teimlo am derfysgaeth?
Mae Duw yn casáu trais a therfysgaeth. (Salm 11:5; Diarhebion 6:16, 17) A phan ddefnyddiodd ei ddisgyblion drais, ymateb Iesu, cynrychiolydd Duw, oedd eu ceryddu. (Mathew 26:50-52) Er i rai honni eu bod yn gwneud pethau treisgar yn enw Duw, nid gan Dduw mae’r awdurdod yn dod i wneud hynny. Y gwir amdani yw, dydy ef ddim hyd yn oed yn gwrando ar eu gweddïau.—Eseia 1:15.
Mae gan Dduw gonsýrn dros bob un sy’n dioddef, gan gynnwys y rhai sydd yn cael eu heffeithio gan ymosodiadau terfysgol. (Salm 31:7; 1 Pedr 5:7) Hefyd mae’r Beibl yn dweud y bydd Duw yn gweithredu i ddod â thrais i ben.—Eseia 60:18.
Gwraidd terfysgaeth
Mae’r Beibl yn datgelu’r rheswm sydd wrth wraidd terfysgaeth: Mae “dyn yn arglwyddiaethu ar ei gyd-ddyn i beri niwed iddo.” (Pregethwr 8:9, Beibl Cymraeg Newydd) Drwy gydol hanes, mae pobl gyda grym wedi defnyddio ofn i orthrymu eraill. Wrth ymateb i’r fath orthrwm, mae eraill wedi defnyddio terfysgaeth i frwydro’n ôl.—Pregethwr 7:7.
Diwedd ar derfysgaeth
Mae Duw yn addo cael gwared ar ofn a thrais, a sefydlu heddwch ar y ddaear. (Eseia 32:18; Micha 4:3, 4) Mi fydd yn:
Cael gwared â gwraidd terfysgaeth. Bydd tra-arglwyddiaeth dyn ar y ddaear yn dod i ben ac mi gaiff ei ddisodli gan lywodraeth fyd-eang Duw. Bydd Rheolwr y llywodraeth hon, sef Iesu Grist, yn trin pawb yn deg, ac yn cael gwared ar orthrwm a thrais. (Salm 72:2, 14) Bryd hynny, fydd neb yn troi at derfysgaeth. Bydd pobl yn “mwynhau heddwch llawn.”—Salm 37:10, 11, Beibl Cymraeg Newydd Diwygiedig.
Dad-wneud pob effaith terfysgaeth. Bydd Duw yn iacháu pobl o sgileffeithiau terfysgaeth, boed hynny’n niwed corfforol neu emosiynol. (Eseia 65:17; Datguddiad 21:3, 4) Mae ef hyd yn oed yn addo atgyfodi’r meirw, gan ddod â nhw’n ôl i fyw ar ddaear heddychlon.—Ioan 5:28, 29.
Mae’r Beibl yn rhoi rhesymau da dros gredu y bydd Duw yn gweithredu’n fuan. Ond, efallai y byddwch yn meddwl, ‘Pam nad ydy Duw wedi dod â therfysgaeth i ben yn barod?’ I gael yr ateb, gwyliwch y fideo Pam Mae Duw yn Caniatáu Dioddefaint?
a Mae “terfysgaeth” fel arfer yn cyfeirio at y defnydd neu’r bygythiad o drais—yn enwedig yn erbyn sifiliaid—er mwyn codi ofn ar y boblogaeth a newid y drefn wleidyddol, grefyddol, neu gymdeithasol. Ond, gall pobl anghytuno ar beth dylai gael ei ystyried yn derfysgaeth.
Efallai Byddwch Hefyd yn Hoffi
PYNCIAU ERAILL
Sut i Reoli Pryder
Pa awgrymiadau ymarferol ac adnodau o’r Beibl all eich helpu chi i beidio â phryderu’n ormodol?
PYNCIAU ERAILL
Gobaith Go Iawn am Ddyfodol Gwell
Pam mae addewidion y Beibl yn wahanol i’r hyn mae pobl yn ei addo a’i ragfynegi?
ATEBION I GWESTIYNAU AM Y BEIBL
Beth Yw Teyrnas Dduw?
Ystyriwch pam mae llywodraeth Duw yn well na phob llywodraeth arall.
Y TŴR GWYLIO
Beth Bydd Teyrnas Dduw yn ei Gyflawni?
Roedd Iesu yn gwybod mai Teyrnas Dduw yw’r unig lywodraeth all datrys y problemau ar y ddaear. Beth mae’r Deyrnas eisoes wedi ei wneud i godi ein hyder?
PYNCIAU ERAILL
A Fydd y Cri am Gyfiawnder yn Cael ei Glywed?
Mae’r Beibl yn dangos bod gwir gyfiawnder yn dod oddi wrth Dduw, sy’n ystyried pob bywyd dynol yr un mor werthfawr â’i gilydd.
DYSGEIDIAETHAU PWYSIG Y BEIBL
Pam Mae Duw yn Caniatáu Dioddefaint?
Mae gan y Beibl ateb calonogol sy’n cysuro.
