Does gynnon ni ddim llawer o amser i astudio. Felly, sut gallwn ni wneud y defnydd gorau o’n hamser? Yn gyntaf, cymera dy amser. Byddi di’n elwa’n fwy o astudio pytiau bach yn ofalus na rhuthro drwy ormod o wybodaeth.

Yna, gosoda dy flaenoriaethau. (Eff. 5:15, 16) Ystyria’r syniadau hyn:

• Darllena’r Beibl bob dydd. (Salm 1:2) Lle da i gychwyn ydy’r rhaglen darllen y Beibl sydd yn y cyfarfod canol wythnos.

• Paratoa am Astudiaeth y Tŵr Gwylio a’r cyfarfod canol wythnos. Bydda’n barod i roi atebion.—Salm 22:22.

• Gwna dy orau i gadw i fyny gyda bwyd ysbrydol, fel ein cylchgronau cyhoeddus, fideos, a deunydd newydd ar jw.org.

• Gwna brosiect astudio. Gelli di wneud ymchwil ar her rwyt ti’n ei hwynebu, ar unrhyw gwestiwn sydd gen ti, neu ar bwnc Beiblaidd rwyt ti eisiau ei ddeall yn well. I gael syniadau, adolyga’r rhan ar jw.org, “Gweithgareddau i Astudio’r Beibl.”