ERTHYGL ASTUDIO 41
Arhosa’n Ffyddlon Trwy’r Gorthrymder Mawr
“Carwch yr ARGLWYDD, chi sy’n ei ddilyn yn ffyddlon! Mae’r ARGLWYDD yn amddiffyn y rhai sy’n ffyddlon iddo.”—SALM 31:23.
CÂN 129 Dyfalbarhawn
CIPOLWG *
1-2. (a) Beth bydd y cenhedloedd yn ei gyhoeddi yn fuan? (b) Pa gwestiynau bydd yn cael eu hateb?
DYCHMYGA fod y cenhedloedd newydd gyhoeddi “heddwch a diogelwch.” Maen nhw’n brolio nad ydy’r byd erioed wedi bod mor saff. Bydd y cenhedloedd eisiau inni feddwl eu bod nhw’n gallu datrys holl broblemau’r byd. Ond, fyddan nhw ddim yn gallu rheoli o gwbl beth fydd yn digwydd nesaf! Sut felly? Yn ôl un o broffwydoliaethau’r Beibl: “Yn sydyn bydd dinistr yn dod. . . . Fydd dim dianc!”—1 Thes. 5:3.
2 Mae angen atebion i gwestiynau pwysig: Beth fydd yn digwydd yn ystod y gorthrymder mawr? Beth bydd Jehofa yn disgwyl inni ei wneud yn ystod yr amser hwnnw? A sut gallwn ni ymbaratoi er mwyn aros yn ffyddlon drwy’r gorthrymder mawr?—Math. 24:21.
BETH FYDD YN DIGWYDD YN YSTOD Y GORTHRYMDER MAWR?
3. Yn ôl Datguddiad 17:5, 15-18, sut bydd Duw yn dinistrio “Babilon Fawr”?
3 Darllen Datguddiad 17:5, 15-18. Bydd “Babilon Fawr” yn cael ei dinistrio! Fel y soniwyd amdano yn gynharach, ni fydd y cenhedloedd yn gallu rheoli beth sy’n digwydd yn ystod y cyfnod hwn. Pam lai? Oherwydd bydd ‘Duw [yn] plannu’r syniad yn eu meddyliau nhw er mwyn cyflawni ei bwrpas.’ Beth yw’r syniad hwnnw? Dinistrio’r ymerodraeth gau grefyddol fyd eang, gan gynnwys y Gwledydd Cred. * Bydd Duw yn plannu’r syniad ym meddwl “y deg corn” sy’n perthyn i’r “anghenfil ysgarlad.” Mae’r deg corn yn cynrychioli’r holl lywodraethau sy’n cefnogi’r “anghenfil”—y Cenhedloedd Unedig. (Dat. 17:3, 11-13; 18:8) Pan fydd y grymoedd gwleidyddol hynny’n ymosod ar gau grefydd, bydd hynny’n arwydd fod y gorthrymder mawr wedi dechrau. Bydd y digwyddiad byd eang hwnnw yn un arswydus.
4. (a) Beth gall y cenhedloedd ei ddweud i gyfiawnhau ymosod ar gau grefydd? (b) Beth bydd cyn-aelodau’r crefyddau hynny’n debygol o’i wneud?
4 Dydyn ni ddim yn gwybod pa resymau y bydd y cenhedloedd yn eu rhoi dros gyfiawnhau ymosod ar Fabilon Fawr. Efallai y byddan nhw’n dweud bod crefyddau’r byd yn rhwystr i heddwch a’u bod nhw’n ceisio dylanwadu o hyd ar faterion gwleidyddol. Neu y byddan nhw’n dweud bod y cyfundrefnau crefyddol hynny wedi casglu gormod o gyfoeth ac eiddo. (Dat. 18:3, 7) Cwbl resymol yw meddwl na fydd yr ymosodiad hwn yn golygu y bydd holl aelodau’r crefyddau hynny yn cael eu dinistrio. Yn hytrach, mae’n ymddangos mai cael gwared ar y cyfundrefnau crefyddol y bydd y cenhedloedd. Unwaith i’r cyfundrefnau hynny fynd, bydd y cyn-aelodau yn sylweddoli bod eu harweinwyr crefyddol wedi eu siomi ac yn debygol o ymbellhau oddi wrth y crefyddau hynny.
5. Beth mae Jehofa wedi ei addo ynglŷn â’r gorthrymder mawr, a pham?
5 Dydy’r Beibl ddim yn datgelu pa mor hir y bydd dinistrio Babilon Fawr yn ei gymryd, ond rydyn ni’n gwybod y bydd yn digwydd o fewn cyfnod eithaf byr. (Dat. 18:10, 21) Mae Jehofa wedi addo y bydd yn gwneud y gorthrymder “yn gyfnod byr” er mwyn i’r “bobl mae wedi’u dewis” a gwir addoliad oroesi. (Marc 13:19, 20) Ond beth bydd Jehofa yn disgwyl inni ei wneud rhwng dechrau’r gorthrymder mawr a rhyfel Armagedon?
ARHOSA YN Y WIR GREFYDD
6. Pam nad ydy stopio bod yn rhan o gau grefydd yn ddigon ynddo’i hun?
6 Fel y trafodwyd yn yr erthygl flaenorol,
mae Jehofa yn disgwyl i’w addolwyr stopio bod yn rhan o gau grefydd. Fodd bynnag, nid yw hyn yn ddigon. Mae’n rhaid inni fod yn benderfynol o aros yn y wir grefydd drwy barhau i wasanaethu Jehofa. Rho sylw i ddwy ffordd y gallwn ni wneud hynny.Ddylen ni byth roi’r gorau i gwrdd gyda’n gilydd, hyd yn oed o dan amgylchiadau anodd (Gweler paragraff 7) *
7. (a) Sut gallwn ni ufuddhau’n llwyr i safonau moesol cyfiawn Jehofa? (b) Pam mae Hebreaid 10:24, 25 yn dweud y dylen ni gwrdd gyda’n gilydd, a pham mae hynny’n bwysig iawn heddiw?
7 Yn gyntaf, mae’n rhaid inni ufuddhau yn llwyr i safonau moesol cyfiawn Jehofa. Ni allwn ni dderbyn safonau a gwerthoedd y byd. Er enghraifft, dydyn ni ddim yn cymeradwyo anfoesoldeb rhywiol o unrhyw fath, gan gynnwys priodasau un-rhyw, nac ymddygiad cyfunrhywiol arall. (Math. 19:4, 5; Rhuf. 1:26, 27) Yn ail, mae’n rhaid inni barhau i addoli gyda’n brodyr a’n chwiorydd. Rydyn ni’n gwneud hyn le bynnag y gallwn ni, naill ai yn Neuadd y Deyrnas neu, pan fo’r angen, mewn cartrefi ein brodyr a’n chwiorydd neu hyd yn oed yn y dirgel. Dim ots beth fydd yn digwydd, ni allwn ni roi’r gorau i’r drefn o ddod at ein gilydd i addoli. Yn wir, mae’n rhaid cwrdd gyda’n gilydd “yn arbennig am fod Iesu’n dod yn ôl i farnu yn fuan.”—Darllen Hebreaid 10:24, 25.
8. Sut bydd ein neges yn debygol o newid yn y dyfodol?
8 Yn ystod y gorthrymder mawr, bydd y neges rydyn ni’n ei chyhoeddi yn debygol o newid. Ar hyn o bryd, rydyn ni’n pregethu’r newyddion da am y Deyrnas ac yn ceisio gwneud disgyblion. Ond, y pryd hwnnw, efallai y byddwn ni’n cyhoeddi neges a fydd yn taro ergyd mor drom â chenllysg. (Dat. 16:21) Efallai y byddwn ni’n cyhoeddi bod byd Satan ar fin cael ei ddinistrio. Ymhen amser, byddwn ni’n dod i wybod beth yn union fydd ein neges a sut y byddwn ni’n ei chyhoeddi. A fyddwn ni’n defnyddio yr un dulliau rydyn ni wedi eu defnyddio am ganrif a mwy i gyflawni ein gweinidogaeth? Neu a fyddwn ni’n defnyddio dulliau eraill? Amser a ddengys. P’run bynnag, mae’n ymddangos y bydd gennyn ni’r fraint o gyhoeddi’n ddewr farnedigaethau Jehofa!—Esec. 2:3-5.
9. Sut efallai y bydd y cenhedloedd yn ymateb i’n neges, ond beth gallwn ni fod yn sicr ohono?
9 Yn fwy na thebyg, bydd ein neges yn achosi’r cenhedloedd i geisio rhoi taw arnon ni unwaith ac am byth. Fel yr ydyn ni’n dibynnu ar Jehofa am ei gefnogaeth yn y weinidogaeth heddiw, bydd rhaid inni ddibynnu arno bryd hynny. Gallwn fod yn gwbl sicr y bydd Duw yn ein llenwi ni â’i nerth er mwyn inni gyflawni ei ewyllys.—Mich. 3:8.
BYDDA’N BAROD AM YR YMOSODIAD AR BOBL DDUW
10. Fel y rhagfynegwyd yn Luc 21:25-28, sut bydd y rhan fwyaf o bobl yn ymateb i’r hyn sy’n digwydd yn ystod y gorthrymder mawr?
10 Darllen Luc 21:25-28. Yn ystod y gorthrymder mawr, bydd pobl wedi synnu wrth iddyn nhw weld popeth yn y byd a oedd yn ymddangos yn sefydlog yn dechrau cwympo o’u cwmpas. Bydd pawb “mewn cynnwrf” ac yn ofni am eu bywydau yn ystod y cyfnod mwyaf du yn hanes dynolryw. (Seff. 1:14, 15) Bryd hynny, bydd bywyd yn debygol o fod yn anodd iawn hyd yn oed i bobl Jehofa. Oherwydd nad ydyn ni’n rhan o’r byd, mae’n debyg y byddwn ninnau’n wynebu anawsterau. Efallai bydd rhaid inni fynd heb rai o anghenion bywyd.
11. (a) Pam bydd Tystion Jehofa yn denu sylw arweinwyr y byd? (b) Pam nad oes rhaid inni ofni’r gorthrymder mawr?
11 Ar ryw adeg benodol, bydd y bobl a * Byddan nhw’n dod at ei gilydd i ymosod yn chwyrn ar bobl Jehofa â’u holl nerth. (Esec. 38:2, 14-16) Gall fod yn destun pryder i feddwl am yr holl bosibiliadau hynny pan na allwn ni fod yn sicr o’r holl fanylion. Fodd bynnag, mae un peth yn sicr: Does dim rhaid inni ofni’r gorthrymder mawr. Bydd Jehofa yn rhoi cyfarwyddiadau inni a fydd yn achub ein bywydau. (Salm 34:19) Byddwn ni’n gallu ufuddhau i’r geiriau hyn: “Safwch ar eich traed a daliwch eich pennau’n uchel.” A hynny oherwydd ein bod ni’n gwybod bod “rhyddid ar ei ffordd!” *
welodd eu crefyddau yn cael eu dinistrio yn digio oherwydd bod Tystion Jehofa yn dal i ymarfer eu crefydd. Gallwn ond ddychmygu’r stŵr y byddai hyn yn ei achosi, yn enwedig ar y cyfryngau cymdeithasol. Bydd y cenhedloedd a’u rheolwr, Satan, yn ein casáu ni oherwydd ein crefydd ni fydd yr unig un ar ôl. Ni fyddan nhw wedi llwyddo i gael gwared ar bob crefydd oddi ar wyneb y ddaear. O ganlyniad, byddan nhw’n hoelio eu sylw arnon ni. Ar yr adeg honno, bydd y cenhedloedd yn chwarae rhan Gog o dir Magog.12. Sut mae’r “gwas ffyddlon a chall” wedi bod yn ein paratoi ni am yr hyn sy’n dod yn y dyfodol?
12 Mae’r “gwas ffyddlon a chall” wedi bod yn ein paratoi ni ar gyfer aros yn ffyddlon drwy’r gorthrymder mawr. (Math. 24:45, BCND) Gwnaethpwyd hyn mewn amryw ffyrdd ond ystyria un esiampl: ein rhaglenni amserol ar gyfer ein cynadleddau rhwng y blynyddoedd 2016 a 2018. Trwy gyfrwng y rhaglenni hyn, fe gawson ni’n hannog i gryfhau’r rhinweddau hanfodol hynny y mae’n rhaid inni eu cael wrth i ddydd Jehofa agosáu. Gad inni adolygu’n fyr y rhinweddau hynny.
PARHA I DDATBLYGU FFYDDLONDEB, DYFALBARHAD, A DEWRDER
Paratoa nawr ar gyfer goroesi’r gorthrymder mawr (Gweler paragraffau 13-16) *
13. Sut gallwn ni gryfhau ein ffyddlondeb i Jehofa, a beth sy’n rhaid inni ei wneud nawr?
13 Ffyddlondeb: Thema cynhadledd 2016 oedd “Aros yn Ffyddlon i Jehofa.” Roedd y rhaglen hon yn ein dysgu am y pwysigrwydd o gael perthynas glòs â Jehofa er mwyn aros yn ffyddlon iddo. Cawson ni’n hatgoffa o sut gallwn ni agosáu at Jehofa drwy weddïo’n daer a thrwy astudio ei Air yn drylwyr. Mae gwneud hyn yn rhoi’r nerth inni fedru codi uwchlaw hyd yn oed y rhwystrau mwyaf heriol. Wrth i system Satan ddod i’w therfyn, gallwn ddisgwyl y bydd ein ffyddlondeb i Dduw a’i Deyrnas yn cael ei brofi’n fwy byth. Mae’n debyg bydd pobl yn dal i wneud hwyl am ein pennau. (2 Pedr 3:3, 4) Mae hyn yn siŵr o ddigwydd wrth i’n niwtraliaeth ddod o dan y lach yn fwy ac yn fwy. Mae’n rhaid i’n niwtraliaeth gael ei chryfhau nawr er mwyn inni aros yn ffyddlon yn ystod y gorthrymder mawr.
14. (a) Beth fydd yn digwydd i’r brodyr sy’n arwain y gynulleidfa ar y ddaear? (b) Pam byddwn ni’n gorfod bod yn ufudd ar yr adeg honno?
14 Yn ystod y gorthrymder mawr, bydd newid yn digwydd o ran y brodyr sy’n arwain y gynulleidfa ar y ddaear. Ar ryw adeg benodol, bydd y rhai eneiniog sydd yn dal i fod ar y ddaear yn cael eu casglu i’r nefoedd i frwydro yn rhyfel Armagedon. (Math. 24:31; Dat. 2:26, 27) Bydd hyn yn golygu na fydd y Corff Llywodraethol gyda ni mwyach ar y ddaear. Sut bynnag, bydd y dyrfa fawr yn dal i fod yn drefnus. Bydd brodyr cymwys o blith y defaid eraill yn arwain y ffordd inni. Bydd rhaid inni ddangos ein bod ni’n ffyddlon drwy gefnogi’r brodyr hyn a dilyn eu cyfarwyddiadau a fydd yn dod oddi wrth Dduw. Bydd goroesi neu beidio yn dibynnu ar hyn!
15. Sut gallwn ni gryfhau ein dyfalbarhad, a pham mae’n bwysig gwneud hynny nawr?
15 Dyfalbarhad: Thema cynhadledd 2017 oedd “Daliwch Ati!” Gwnaeth y rhaglen hon ein helpu ni i ddal ati yn wyneb treialon. Fe ddysgon ni nad ydy dyfalbarhad yn dibynnu ar amgylchiadau ffafriol. Fe fedrwn ni gryfhau ein dyfalbarhad drwy ddibynnu ar Jehofa. (Rhuf. 12:12) Ddylen ni byth anghofio addewid Iesu: ‘Bydd yr un sy’n sefyll yn gadarn i’r diwedd un yn cael ei achub.’ (Math. 24:13) Mae’r addewid hwn yn golygu ein bod ni’n gorfod aros yn ffyddlon, er gwaethaf anawsterau. Bydd dal ati yn wyneb pob treial yn ein gwneud ni’n gryfach a hynny cyn i’r gorthrymder mawr ddechrau.
16. Beth sydd yn ein gwneud ni’n ddewr, a sut gallwn ni fod yn fwy dewr heddiw?
16 Dewrder: Thema cynhadledd 2018 oedd “Bydda’n Ddewr!” Roedd y rhaglen hon yn ein dysgu nad yw bod yn ddewr yn dibynnu ar ein galluoedd ni’n hunain. Fel yn achos dyfalbarhad, mae gwir ddewrder yn dod o ddibynnu ar Jehofa. Sut gallwn ni ddysgu i ddibynnu ar Jehofa yn fwy byth? Trwy ddarllen ei Air bob diwrnod a myfyrio ar sut achubodd Jehofa ei bobl yn y gorffennol. (Salm 68:20; 2 Pedr 2:9) Pan fydd y cenhedloedd yn ymosod arnon ni yn ystod y gorthrymder mawr, bydd yn rhaid inni fod yn ddewr ac ymddiried yn Jehofa yn fwy nag erioed o’r blaen. (Salm 112:7, 8; Heb. 13:6) Os dibynnwn ar Jehofa nawr, fe fyddwn ni’n ddigon dewr i wynebu ymosodiad Gog. *
EDRYCHA YMLAEN AT GAEL DY ACHUB
Iesu a’i fyddin nefol yn marchogaeth ar geffylau gwynion i frwydr Armagedon er mwyn dinistrio gelynion Duw! (Gweler paragraff 17)
17. Pam nad oes rhaid inni ofni Armagedon? (Gweler y llun ar y clawr.)
17 Fel y soniwyd amdano yn yr erthygl flaenorol, mae’r rhan fwyaf ohonon ni wedi byw ein bywydau cyfan yn ystod y dyddiau diwethaf. Ond, rydyn ni hefyd yn gobeithio goroesi’r gorthrymder mawr. Diar. 1:33; Esec. 38:18-20; Sech. 14:3) Pan fydd Jehofa yn rhoi’r gorchymyn, Iesu Grist fydd yn arwain byddin Duw i faes y gad. Wrth ei ochr, bydd y rhai eneiniog atgyfodedig a myrddiynau o angylion. Gyda’i gilydd, byddan nhw’n rhyfela yn erbyn Satan, ei gythreuliaid, a’u lluoedd daearol.—Dan. 12:1; Dat. 6:2; 17:14.
Rhyfel Armagedon fydd yn dod â’r system hon i ben. Fodd bynnag, does gennyn ni ddim byd i’w ofni. Sut felly? Oherwydd Duw fydd yn brwydro. (18. (a) Beth mae Jehofa wedi ei warantu? (b) Pam mae Datguddiad 7:9, 13-17 yn dy helpu i fod yn hyderus am y dyfodol?
18 Mae Jehofa wedi gwarantu hyn: “Ond fydd yr arfau sydd wedi’u llunio i dy daro di ddim yn llwyddo.” (Esei. 54:17) Bydd “tyrfa enfawr” o addolwyr ffyddlon Jehofa yn byw trwy’r gorthrymder mawr ac yn goroesi! Yna, byddan nhw’n parhau i wasanaethu Jehofa. (Darllen Datguddiad 7:9, 13-17.) Mae’r Beibl yn rhoi llawer o resymau dros fod yn hyderus am y dyfodol! Fe wyddon ni fod Jehofa “yn amddiffyn y rhai sy’n ffyddlon iddo.” (Salm 31:23) Bydd pawb sy’n caru ac yn moli Jehofa wrth eu boddau yn ei weld ef yn cyfiawnhau ei enw sanctaidd.—Esec. 38:23.
19. Pa ddyfodol disglair y byddwn ni’n ei gael yn fuan iawn?
19 Meddylia am beth y byddai 2 Timotheus 3:2-5 yn ei ddweud petai’n disgrifio pobl yn y byd newydd, pobl heb eu dylanwadu gan Satan. (Gweler y blwch “ Sut Bydd Pobl Bryd Hynny.”) Roedd y brawd George Gangas, * a wasanaethodd ar y Corff Llywodraethol, yn disgrifio’r sefyllfa fel hyn: “Bydd y byd yn lle hardd pan fydd pawb yn frodyr neu’n chwiorydd! Yn fuan, bydd gennych chi’r fraint o fyw yn y system newydd honno. Byddwch yn byw cyhyd ag y mae Jehofa yn byw. Rydyn ni’n mynd i fyw am byth.” Am obaith hyfryd!
CÂN 122 Safwch yn Gadarn!
^ Par. 5 Rydyn ni’n gwybod y bydd pawb ar y ddaear yn wynebu’r gorthrymder mawr yn y dyfodol agos. Beth bydd hynny’n ei olygu i ni? Beth bydd Jehofa yn disgwyl inni ei wneud yr adeg honno? Pa rinweddau y byddwn ni’n eu hangen er mwyn aros yn ffyddlon? Cawn wybod yr atebion yn yr erthygl hon.
^ Par. 3 ESBONIAD: Mae’r Gwledydd Cred yn cynnwys crefyddau sy’n honni bod yn rhai Cristnogol ond dydyn nhw ddim yn dysgu pobl i addoli Jehofa mewn ffordd sy’n unol â’i safonau.
^ Par. 11 ESBONIAD: Mae’r term Gog o dir Magog (a’r ffurf fer, Gog) yn cyfeirio at grŵp o genhedloedd a fydd yn brwydro yn erbyn gwir addoliad yn ystod y gorthrymder mawr.
^ Par. 11 Am drafodaeth lawnach ar yr holl ddigwyddiadau sy’n arwain at ryfel Armagedon, gweler pennod 21 y llyfr God’s Kingdom Rules! Am ragor o fanylion ynglŷn â Gog o dir Magog a sut bydd Jehofa yn amddiffyn ei bobl yn ystod Armagedon, gweler penodau 17 ac 18 y llyfr Pure Worship of Jehovah—Restored At Last!
^ Par. 16 Mae thema cynhadledd 2019, “Dydy Cariad Byth Yn Darfod!” yn dangos ei bod hi’n bosib inni aros yn saff o dan warchodaeth gariadus Jehofa.—1 Cor. 13:8.
^ Par. 19 Gweler yr erthygl “His Deeds Follow Him” yn rhifyn 1 Rhagfyr 1994 o’r Tŵr Gwylio Saesneg.