“Pan ydw i’n teimlo’n ddiwerth, mae Jehofa yn fy nghalonogi i drwy’r caneuon ar JW Broadcasting^®.”—Lorraine, UDA.

Mae “caneuon ysbrydol” wastad wedi bod yn rhan o’n haddoliad Cristnogol. (Col. 3:16) Os wyt ti’n dysgu’r geiriau i’r caneuon hyn, gallan nhw dy helpu hyd yn oed pan nad oes gen ti lyfr caneuon neu ddyfais electronig wrth law. Dilyna’r awgrymiadau hyn i dy helpu di i gofio geiriau’r caneuon.

• Darllena’r geiriau’n ofalus er mwyn deall yr ystyr. Gelli di gofio gwybodaeth yn well pan mae’n gwneud synnwyr iti. Mae’r geiriau ar gyfer ein holl ganeuon, gan gynnwys y caneuon gwreiddiol a’r caneuon i blant, ar gael ar jw.org. O dan y rhan Llyfrgell, dos i Cerddoriaeth.

• Ysgrifenna’r geiriau i lawr. Bydd hyn yn ei gwneud hi’n haws byth iti gofio’r geiriau.—Deut. 17:18.

• Cana’n uchel. Darllena neu cana’r caneuon dro ar ôl tro.

• Gweld faint rwyt ti’n gallu ei gofio. Tria gofio’r geiriau heb edrych ar y daflen arwain, ac yna gweld pa mor dda y gwnest ti.