MEDI 26, 2022
BRASIL
Cyfieithiad y Byd Newydd yn Iaith Arwyddion Brasil Nawr ar Gael yn ei Gyfanrwydd
Ar ddydd Sul, Medi 18, 2022, gwnaeth y Brawd Hamilton Vieira, aelod o Bwyllgor Cangen Brasil, gyhoeddi fod Cyfieithiad y Byd Newydd yn Iaith Arwyddion Brasil nawr ar gael yn ei gyfanrwydd ar jw.org ac ar yr ap JW Library Sign Language. Roedd dros 36,300 yn gwylio’r rhaglen a gafodd ei ffrydio’n fyw o’r awditoriwm yn swyddfa cangen Brasil.
Brodyr a chwiorydd yn sefyll am lun wrth ddangos Beibl Iaith Arwyddion Brasil ar eu dyfeisiau
Dyma’r tro cyntaf i’r Beibl cyfan gael ei gyfieithu i Iaith Arwyddion Brasil, a dim ond y trydydd Beibl cyfan mewn iaith arwyddion yn y byd. Cychwynnodd y prosiect gydag efengyl Mathew yn 2006. Cafodd llyfrau eraill y Beibl eu rhyddhau wrth iddyn nhw gael eu cyfieithu.
Dywedodd un chwaer fyddar o’r enw Angellyca: “Yn y gorffennol, wnes i drio darllen y Beibl yn Portiwgaleg, ond wnes i ddim deall llawer ohono. Ond gyda’r Beibl yn Iaith Arwyddion Brasil, dw i’n ei ddeall mor dda dw i’n teimlo fy mod i’n rhan o’r hanes!”
Aelodau o dîm cyfieithu Iaith Arwyddion Brasil yn recordio yn eu stiwdio
Ym 1982, sefydlodd Tystion Jehofa y gynulleidfa iaith arwyddion gyntaf yn Rio de Janeiro. Bellach, mae ’na tua 9,500 o gyhoeddwyr yn gwasanaethu mewn 246 cynulleidfa Iaith Arwyddion Brasil, 337 grŵp, a 63 rhag-grŵp.
Mae’r Beibl hwn yn dangos cymaint mae Jehofa yn caru ein brodyr a’n chwiorydd byddar. Rydyn ni’n gweddïo y bydd yr anrheg werthfawr hon yn helpu llawer mwy o bobl i ddysgu am Jehofa a’i Fab, ac i gael hyd i’r ffordd sy’n arwain i fywyd tragwyddol.—Ioan 17:3.