Dim ond y rhai sy’n pregethu’r newyddion da am Deyrnas Dduw bob mis sy’n cael eu cyfrif yn Dystion Jehofa. (Mathew 24:14) Mae hyn yn cynnwys y rhai sydd wedi cael eu bedyddio, a’r rhai sydd yn gymwys i gymryd rhan yn y gwaith pregethu cyn iddyn nhw gael eu bedyddio.

 Nac oes. Nid ar sail ei gyfraniadau ariannol y mae rhywun yn cael ei gyfrif yn Dyst, neu yn derbyn aseiniadau na breintiau arbennig. (Actau 8:18-20) Y gwir yw bod y rhan fwyaf o gyfraniadau’n cael eu rhoi yn ddienw. Mae pob Tyst yn rhoi o’i amser, o’i egni, ac o’i adnoddau yn ôl ei ddymuniad ei hun a’i sefyllfa bersonol.—2 Corinthiaid 9:7.

 Bob mis, mae Tystion yn rhoi cofnod o’u gwaith pregethu i’r gynulleidfa leol.

 Mae’r adroddiadau gwirfoddol hyn yn cael eu cofnodi, ac mae’r cyfanswm yn cael ei anfon i swyddfa’r gangen leol. Mae’r canghennau yn anfon y cyfanswm ar gyfer eu hardaloedd nhw i’r pencadlys.

 Ar ddiwedd pob blwyddyn wasanaeth, a mae’r pencadlys yn nodi’r nifer uchaf o Dystion ym mhob gwlad ar gyfer y flwyddyn honno. Mae cyfanswm y ffigyrau hynny yn dangos y nifer o Dystion drwy’r byd. Cyhoeddir adroddiadau manwl ar gyfer pob gwlad ar ein gwefan yn yr adran “O Gwmpas y Byd.“ Mae’r adroddiadau hyn yn ein calonogi ni, fel yr oedd adroddiadau tebyg yn calonogi’r Cristnogion cynnar.—Actau 2:41; 4:4; 15:3.

 Nac ydym, ond rydyn ni’n eu croesawu yn ein cynulleidfaoedd. Mae’r rhan fwyaf sy’n dod i’n cyfarfodydd hefyd yn bresennol ar gyfer y Goffadwriaeth flynyddol i gofio marwolaeth Crist. Felly, cawn syniad am faint ohonyn nhw sydd, drwy gymharu’r nifer sy’n bresennol ar gyfer y Goffadwriaeth â’r nifer o Dystion. Yn 2023, roedd 20,461,767 yn bresennol ar gyfer y Goffadwriaeth.

 Mae llawer nad ydyn nhw’n dod i’n cyfarfodydd yn elwa ar ein rhaglen astudio’r Beibl am ddim. Yn 2023, ar gyfartaledd, cynhaliwyd 7,281,212 o astudiaethau bob mis, rhai gyda mwy nag un unigolyn.

 Fel arfer, mae swyddfeydd cyfrifiad y llywodraeth yn casglu eu hystadegau drwy ofyn i bobl i ba grŵp crefyddol y maen nhw’n perthyn. Er enghraifft, mae Swyddfa Cyfrifiad Unol Daleithiau America yn dweud bod eu holiaduron “yn ceisio darganfod a yw’r atebwyr yn eu hystyried eu hunain yn aelodau o gymdeithas grefyddol,” gan dderbyn bod y canlyniadau “yn bortread bras yn hytrach nag un manwl gywir.” Sut bynnag, rydyn ni’n cyfrif dim ond y rhai sy’n pregethu ac sy’n cyflwyno adroddiad o’u gweinidogaeth, nid y rhai sydd ond yn eu galw eu hunain yn Dystion.