Defnyddio stydiau dur i wneud cyplau to ar gyfer Neuadd Breswyl C.

Golygfa o’r tir cyfagos i’r de, yn edrych tua’r gogledd tuag at Lyn Sterling Forest (Blue Lake). Mae hyd at 13 craen wedi bod yn gweithio ar yr un pryd. Yn y tu blaen gwelir gwaith i dywallt a gorffen y concrit ar gyfer sylfaen Neuadd Breswyl B.

Trawstiau a cholofnau dur yn barod i’w gosod. Mae fframwaith dur yr adeilad yn caniatáu swyddfeydd mawr cynllun agored, ac yn hwyluso’r gwaith adeiladu.

Rhoi’r cyplau to at ei gilydd, a’u gorchuddio â haenen fetel a philen ddal dŵr i greu modiwl to cyfan ar gyfer Neuadd Breswyl C. Yn y cefndir i’r chwith, mae modiwl hanner to yn cael ei adeiladu.

Contractwyr yn gosod trawstiau dur ger cornel dde-orllewinol yr adeilad. Ymhlith yr adrannau yn y rhan hon o’r adeilad bydd cegin, ffreutur, a golchdy.

Ymestyn brwsh i ddyn sy’n gwneud gwaith ar y system carthffosiaeth.

Codwyd y wal hon er mwyn penderfynu ar steil a lliw y morter, a dull clymu’r brics. Defnyddiwyd hefyd fel esiampl i’r bricwyr newydd. Yma gwelir y wal yn cael ei thynnu i lawr, wedi ateb ei diben.

Craen yn gosod modiwl hanner to. Mae’r toeau ar ongl ar bob pen i’r Neuaddau Preswyl yn gwneud iddyn nhw edrych yn fwy deniadol.

Gollwng tanc olew 95,000 litr (21,000 galwyn) i’w le. Mae’r olew yn y tanciau hyn yn mynd i’r boeleri.

Golygfa o wyneb deheuol yr adeilad, gyda Blue Lake ar ochr dde’r llun. Mae defnyddio gwahanol liwiau a wynebau ar y tu allan yn gwneud i’r adeilad edrych yn fwy deniadol.

Tîm gŵr a gwraig yn gosod dreiniau cyn i’r llawr concrit gael ei dywallt.

Clirio’r eira oddi ar y to.

Tîm gŵr a gwraig yn bwrw golwg dros y cynlluniau ar gyfer y plymwaith.

Cloddio, gosod paneli concrit, a thywallt concrit ar ddiwrnod o eira. Ar gornel chwith uchaf y llun, gwelir rhannau o’r adeilad wedi eu gorchuddio â llenni plastig cryf. Oherwydd bod rhai tasgau yn gofyn am dymheredd sefydlog, roedd hyn yn caniatáu i’r gwaith o dywallt y lloriau concrit a diogelu’r adeilad rhag tân barhau drwy’r gaeaf.

Rhoi pilen atal lleithder ar y colofnau concrit ac ar ymylon y lloriau cyn gosod paneli allanol y waliau.

Llun o’r awyr yn edrych tua’r gorllewin. Gwelir y neuaddau preswyl ar ben y llun. Defnyddir yr adeilad mawr gwyn ger canol y llun ar gyfer swyddfeydd. Codir adeiladau ar lai nag 20 y cant o’r 100 hectar (253 erw), heb amharu o gwbl ar y goedwig ar weddill y safle.

Llun o’r awyr yn edrych tua’r dwyrain. Gwelir neuaddau preswyl C a D ar waelod y llun. Ar Neuadd Breswyl C, mae contractwyr yn gosod paneli metel i orffen y to.

Saer yn gosod llawr laminedig mewn ystafell enghreifftiol. Bydd dewis o bedwar pecyn addurno ar gyfer yr ystafelloedd preswyl. Bydd hyn yn cynnwys lliw y paent, carpedi, lloriau laminedig, teils, ac arwynebau gweithio.

Gorffen y llawr concrit â llaw er mwyn sicrhau bod gogwydd y dreiniau yn gywir.

Technegydd 77 oed yn gosod cebl ffibr optig. Erbyn diwedd y prosiect, bydd tua 32 cilomedr (20 milltir) o’r ceblau hyn wedi eu gosod yn y ganolfan.