꞊Ii. ˗Zlan ö ˈˈtʋ̈ŋ ˗kë ö ˗dhɔkëmɛn ˗nu ˈö ˈwaa wo ˈflëëgü ˗an ˈgü. ˈWɔn ˈö ˗gban ˗a ˗dhɔkëmɛn do ˗bha Biblö ˗ya ˗blɛɛ ˈö˗ ˗pö: «Zoova yöö ꞊dede ˗yö ˗dho dɔ ˗a ˗gban ˗gɔ ˈˈyua sɛɛˈˈ ꞊taa.» (Psaume 41:3) ꞊Ya kë ꞊dhɛ ˈˈyua ˗ya ꞊gwëë ü ˗bha, pë ˗yaaga ˗nu ˈwo yö, ˗wo ꞊mɔɔn˗ ˗bha ˈwo ü ˗takun:

1.   ˗Bhö ˗takundhe ˗dhɛ ˗Zlan ˗gɔ kö ˈü ˗mɔn ˗a bun ˗sü ˗bha. Ü ꞊mɔɔn˗ ˗bha ˈü «˗Zlan ˗bha ꞊zuöyagluu ˈö ꞊va ˈö ꞊ziëˈ mɛ ˈbhee˗ ˗bha ˈwundɔdhe ˈsaadhö ˗ta» ˗a ꞊slɔɔ ˈö zuʋ̈dhiʋ̈tɛ bho ü ˗bha, ˈö ü ˗zogban.​—Fidhipö 4:6, 7, NTBL.

2.   Ü ˗bha ˈwɔn yö ˗kɔ ˗yö kë ˗së. Biblö ˗ya ˗pö: «Zuʋ̈gblüdhidhe ˗yö blɛɛdhɛ ˗së ˈka, ˈˈkɛɛ zuʋ̈dhiʋ̈tɛ ˗zë, ꞊faan ˈnën ˈö˗ bho mɛn ˗bha.» (Proverbes 17:22) ˗Bhö ü ˗bha ˈˈgbɛɛta zë. ˈBha˗ kë ˈˈdhʋ̈, ˗yö ˗dho ü ˗takun ˈö ˈbhaa kë ˗wëësü ꞊gbɔnŋsü, ˈö ˈˈyua ˈyaa ˈmën ü ˈka ˈˈgbɛ.

3.   Ü ˗bha ˗zo ˗yö ˗dhɛkpaɔ dhiʋ̈ˈˈ ˗dhɛ ˗sü ˗gɛn ˗gban. ˗Zoyödhe ꞊dede ꞊mɔɔn˗ ˗bha ˈö ü ˗takun ˈö zuʋ̈niidadhe ˗kë ü ˗gɔ ˈˈyua ˈˈgbɩɩ˗ ˈgü. (Wlɔmö 12:12) Biblö ˗yö ˈˈtʋ̈ŋ ˈö «mɛn gbɛ˗ ˈti ˗dho ˗a pö ˈzü, ‹maan n ˈflëë˗ ˈgü›» bhë, ˗a ˗wɔn ˗blɛɛ. (Isaïe 33:24) ˗Zlan ˗dho ˈˈyua ˈˈgbɩɩ˗ ˈˈpɛpɛ ˈö ˗an ˈˈdhɛ ˈyaa ˗dhɔtrɔɔ ˗nu ˗gɔ ˗an bho kwa ˗bha. ꞊Ya ˈgo mü ˈzü, Biblö ˗yö ˗kë ziisü ˗bha ˗goshiasü ˗wɔn ˗blɛɛ ˈö˗ pö: ‹ [Mɛn zii] kwigüdhɛ ˗dhö kë ˈˈslʋ̈ʋ̈slʋ̈ ꞊dedewo ˈö ˗ʒiö ˗a ˈka ˗a wlüünëndhɛ ˗ta. ˗A wlüünëndhɛ ꞊faan ˗dhö kë ˗a ˗gɔ ˈzü.›​—Job 33:25.

 ˗Zoto ˗a ˈˈpiʋ̈ ˗wɔn: ˈKö ˗kë ꞊dhɛ Zoova ˗bha ꞊Gbɛkiö ˗nu ˗wa ˈwɔn ˗dɔ ꞊dhɛ ˗Zlan ˗yö wo ˗takun ꞊dedewo, ˈˈyua ˈˈgbɩɩ˗ ˗ya kë ˗an ˗bha, ˗wo wo ˗de ˈˈdhɛkë. (Makö 2:17) ˈˈKɛɛ, ˈwaa mɛn ˈˈdhɛkë ˗kɔ ˈˈwɛɛ ˈbha ˈˈgbɩɩdhɛ wɔ wo ˈko ˗nu ˗ta. ˗A mɛn ˈö ˈdhö, ˗kɔ ˈö˗ ˈˈpiʋ̈ ˗wo ö ˈˈdhɛkë ˗a ˈka, yö ˈnën ö ˗kɔ ˗yɛ ˗a ˗bha.