Pë draansü ˈˈslö ˈbha ˗nu
Kwa ꞊dhegblü ˗nu ˗bha ˗kwɛzlan ˗wopösü ˗yö kwa ˗dhɛ ˗së ˗ee?
ˈKosümɛn ꞊plɛ ˈö dhiapiʋ̈ ˈˈpɛpɛ ˈka ˈwo mɛn ˗bha ˗kwɛzlan ˗wo pö, ˗wa ˗pö: «Mɛn ˗bha ˗kwɛzlan ˗nu ˗wopösü yi ꞊faanmën, ˈö yi zuʋ̈ˈˈ ˈˈgblü dhi ꞊dedewo. ˗Yö yi ˗zo ˗bo ꞊dhɛ ˈwɔn ˈˈgbɩɩ˗ ˗nu ˗wa nu yi ˗ta, yi ꞊mɔɔn˗ ˗bha ˈpö ˈyi to ˗klu ˗sü ˗Zlan ˗bha.» Kwa ꞊dhegblüdhe do ˗ya ˗pö ˈzü: «˗Kwɛzlan ˗nu ˈwo bhë ˗wo ˗pa n zuʋ̈ˈˈ ˈka, ˈwo n ˗zogban. Kwa˗ ˗yö ˗an ˈgü ꞊dhɛ kwa ꞊dhegblü ˗nu ˗bha ˗tosɛta kë ˗gɛn ˗yö ˗dhö ꞊dedewo. ˗Wo n ˗blü kö ˈa n ˗man ˗zlanwopösü ˗dadhiʋ̈, ˈa n ˗man ˈnën ˗nu ꞊faanmën kö ˗wo Zoova ˗bha ˈˈtʋ̈ŋ ꞊gban ˈgü ˗yö kë.»
Mɛn ˗bha ˗kwɛzlan ˗nu ˗wo kwa ˗blü kö ˈkwa Zoova ˗bha yö kë ˈgbɛ, ˈkwa kwa ˗bha ˈtëëtëdhɛ ˗nu bun kö ˈwɔn ˈˈgbɩɩ˗ ˗nu ˗wa nu kwa ˗ta, zuʋ̈gblüdhi kë kwa ˗gɔ, ꞊bhlëë ˗yö ˈto kwa ˗ta. Kwa ˗dho ˗kpan ˗kwɛzlan ˗nu ˈwo ˈˈdhʋ̈ ˗an ˗bha ˈˈmɛn?
Kpɔɔˈˈ ˈwɔn ˗gɔ ˗kë « Biographies de Témoins de Jéhovah » ˈka ˈö BIBLIOTHÈQUE EN LIGNE Watchtower, ɛɛnˈˈ Watchtower Library, ɛɛnˈˈ ˈzü jw.org ˗ta bhë ˗a ˗bha.