Zoova ˗bha ꞊Gbɛkiö ˗nu ꞊vadhɛ ˗wo wo ˗de ˗baa ˗bhɔkwëë ˗nu ˗bha JW Library^® ˗ta. ˗Wa ˗yö ꞊dhɛ ˗yö ˗dho wo ˈka vɛɛdhö ˈwɔn ˗gɔ ˗nu ˈwo dho ˗an draanˈˈ ˈˈGlaadhiʋ̈ ˗tɔn ˈgü, ˗an ˗ta. ˈˈKɛɛ ˈˈGlaadhiʋ̈ ˗tɔn ˈö ˗bhɔkwëë ˗bha ˈka bhë, ˗ya kë ꞊shiöŋ ˈwɔn ˗gɔ ˈˈwɛɛ ˈbha ˗nu ˗kë ˗a ˈgü, ˈwo ˗zuu ˈgü ˗bhöpë ˗së ꞊dede ˈka. Ka ˗dho ˗kpan ˈwɔn ˗gɔ ˗nu ˈwo ˈˈdhʋ̈ ˗an ˗bha ˈˈmɛn JW Library ˗ta, kö ˈka ˗an draanˈˈ?

• ˈWɔn ˗gɔ ˈö dho draanˈˈ ˈˈGlaadhiʋ̈ ˗tɔn ˈgü ˗a ꞊löö, ˈwɔn ˗gɔ ˈsɛɛn˗ do ˈwo˗ ˗dhɛ «Ü ꞊mɔɔn˗ ˗bha ˈü ˗an ˗wo pö ˈpö» ˗yö mü. ˈKa ka ˗kɔ ꞊nënŋ «ˈWɔn ˗gɔ ˈˈwɛɛ ˈbhaa ˗nu ˈwo ˈsëëdhɛ yö ˗a ˈgü» ˈö˗ ꞊löö ˗a ˗ta, ka ˗dho ˗kpan ˈwɔn ˗gɔ ˗nu ˈwo ˈˈGlaadhiʋ̈ ˗tɔn ˈö bhë ˗a ˈgü waa ˗an ˈˈnimlɔn ˗nu ˗bhüöö ˗bha. ˗Ka ka ˗kɔ ꞊nënŋ ˈwɔn ˗gɔ ˈˈwɛɛ ˗nu ˈwo to, ˈö ˈka˗ ˈˈpiʋ̈ kö ˈka ˗an ˗wo pö ˗an ˗ta.

• ˈKa ˈdho JW Library ˗da ˈkɔɔdhɛ ˈgü, ˗a ˈˈpian ˗dhɛ ˈö ˗kë « Nouveautés » ˈka bhë ˗a ˗ta, ka ꞊mɔɔn˗ ˗bha ˈka ˈˈGlaadhiʋ̈ ˗tɔn ˗dɛɛ ˈdhɛ ˗ya yö ˈˈkpɛɛn, ˗a sü. Ka ꞊mɔɔn˗ ˗bha ˈzü ˈka˗ ˈsëëdhɛ ˈˈdhi ˗pʋ kö ˈwɔn ˗gɔ ˗nu ˈwo˗ ˈgü ˈka ˗an ˗bhüöö ˗ga, kë ˈˈdhʋ̈ kö ˈka ˗an ꞊gban ꞊trɔɔn yö.