PË ZII ˗nu ˈwo ˗gban ˈˈsɛ ˗nu ˈö Biblö ˗an ˗wɔn ꞊blɛɛ ˗an ˗bha, ˗an ˗gɔkpɔdhɛ do ˈö Zedhizadhɛmö ˗a ˈgü, pë ˈö ˗bɛnzë ˗sü ˈka ˗gwö ˈˈpɛn do ˈbha ˗ta mü, ˗wa ˗bɛn ˗zë ˗kwɛ 700 waa 600 ˗an ꞊zinŋgü K.Y.B. ˗Gwö ˈˈpɛn bhë ˗wa ˗slɔɔ Eblɔnö ˗dhɛ ˈˈsuee, Izraɛdhö ˗sɛ ˈgü, ˗gwö gbɔŋ do ˈö kun mɛn ˗wɛɛbhodhɛ ˈka, ˗a ˈgü. Pë ˈö ˗bɛnzë ˗sü ˈka ˗a ˗ta ˈyö ˗tɔ: «Agaf ˈö ˗kë Agav gbö ˈka bhë, Yawe Sabaot ˗yö ˈˈdhaŋ ˈkpɔ ˗a ˗bha.» ˗Wo ˈö bhë, ˗ya ˗zɔn ˗kɔ ˗kë ꞊dhɛ ꞊dhɛ Biblö ˗yö gagade ˗pö? ˗Ya ˗zɔn ꞊dhɛ ˗Zlan ˈtɔ ˈö ˗kë Zoova (ɛɛnˈˈ Yave) ˈka, ˈö ˈwo˗ ˗ya Eblö ˗wo zii ˈgü YHWH ˈka bhë, ˈtɔ ˈö mɛn ˗nu ˗wa dɔ, ˈö ˈwo˗ pö Biblö ˗ya ˈˈtʋ̈ŋ ˈgü, yö ˗mü. Pë ˗nu ˈwo bɛnzë ˗sü ˈka ˗gwö gbɔŋ ˗nu ˈö ˈwo kun mɛn ˗nu ˗wɛɛbhodhɛ ˈka ˗an ˈgü, ˗wa ˗zɔn ꞊dhɛ mɛn ˗nu ˈwo kun ˗wo ˗blɛŋ ˈkpɔ ˗ni ˗an ˈgü, ˗wo ˗Zlan ˈtɔ, ɛɛnˈˈ ˈtɔ ˈbha ˈö ˗Zlan ˈtɔ ˈdhö ˈgü, ˗an ˗bɛnzë ˗an ˈˈbhaŋ ˗bha.

Laashɛlö Nabulsi ˈö ꞊klaŋgɔmɛn ˈkpii˗ ˈka Ʒɔɔʒi ˗ya ˗pö: «ˈTɔ ˈö ˗kë YHWH ˈka bhë, ˗a ˗bɛnzë ˈwo˗ wo ꞊va ˈka pë ˗nu ˗bha bhë, ˗a ˗gɛn ˗yö ˗dhö [...]. ˗Ya ˗zɔn ꞊dhɛ YHWH ˗kun mɛn ˗wɔngbɩɩsü ˈka Izraɛdhömɛn ˗nu waa Zudamɛn ˗nu ˗an ˗bha ˗tosɛta ˈgü.» ˗Zlan ˈtɔ ˈö ˈwo ˗ya Eblö ˗wo ˈgü ˈö ˗kë YHWH ˈka bhë, ˗a ˈˈgblü ꞊va ˈnën Biblö ˈgü. ˗A ˗de ˗ʒiaan ˈtɔ ˈbha ˗nu ˈwo kun ˈˈtʋ̈ŋ bhë ˗a ˈgü, ˗wo ˗Zlan ˈtɔ ˗da ˗an ˈgü.

˗Wo ˈö ˗kë «Yawe Sabaot» ˈka ˈwo˗ ˗bɛnzë ˗gwö ˈˈpɛn ˗ta bhë, ˗a ˗gɛn ˈnën ˗tɔ: «˗Zlan ˗Gblüdë Zoova.» ˗Ya ˗zɔn ꞊dhɛ Biblö ˗ya ˈˈtʋ̈ŋ ˈgü, ˗wo ˗kun ˗Zlan ˈtɔ pö ˗ni ˈgü, ˈˈkɛɛ ˗wo ˈö ˗kë ˈpö «˗Zlan ˗Gblüdë Zoova» ˈka bhë, ˗wo ˗kun ˗a pö ˗ni ˈgü ˈpö. ˗Dhɛ ˈö ˈˈdhʋ̈, ˗a kë ˗sü kö Biblö ˈˈpian ˈwo˗ ˗bɛnzë Eblö ˗wo ˈgü, ˈˈkɛɛ Izai, Zedhemi waa Zakadhi ˗an ˗bha ˈsëëdhɛ ˈgü, ˗wo kpö ˈö ˗kë «˗Zlan ˗Gblüdë Zoova» ˈka bhë ˗yö kë ˗a ˈgü ˗gɛn ˗ɲaan ˈka 250, ˗a ˈwɔn ˈyaa kwa ˈkun.