ˈˈGlaadhiʋ̈ ˗tɔn ˗nu ˈwo yö ˈˈkpɛɛn ˗kwɛ ˈö yö ˗a ˈgü, ü ˗an ˗wo ˗pö ˗së ˈka ˗ee? Ü ꞊mɔɔn˗ ˗bha ˈü dhɛɛˈˈ ˗nu ˈwo yö ˗an ˗yɔ bɔ ˗ee?:

Kwa «˗zotakɔ ꞊gban ˈˈgla» ˗sü ˗gɛn ˈnën ˗tɔ ˗mën? (Wlɔ. 12:2)

˗A ˗gɛn ˈyaa ˈnën ˗tɔ ꞊dhɛ kwa ˈwɔn ˗së ˈbha ˗nu ˗kë kwa ˗bha ˗tosɛta ˈgü. Kwa dua ˗mü ꞊ʒiaan kö ˈmɛn ˈkwa˗ ˈka kwa zuʋ̈ˈˈ ˈˈpiʋ̈ ˈkwa˗ dɔ, ˈgo mü kö ˈkwa kwa ˈwɔn kë ˗kɔ ˗nu ˗bɛ Zoova ˗bha ˈtɔŋ˗ ˗nu ˗bha.—w23.01, ˈˈp. 8-9.

Kwa kwa ˈˈtʋ̈ŋ kë ˗ni ˈgü ˈˈkpɔnŋ ꞊taa ˗wɔn ˗nu ˈgü, kwa ˗dho ˈwɔn ˗nu kë ö ˗naan ˈka ˗kɔ ˗kë ꞊dhɛ?

ˈWɔn ˗nu ˈö Biblö ˗yö ˗an to ˈˈdhiʋ̈ ˈö ˗an ꞊blɛɛ ˈwo yö ˗ni ˈgü ˈko ˈˈdhiʋ̈ ˈˈkpɔnŋ ꞊taa yö bhë, ˗yö ˗dho kë ˗së kö ˈkwa kwa ˈˈtʋ̈ŋ kë ˗an ˈgü. ˈˈSanni ˈkwa zɔɔdhe ˈö ꞊mɔɔn˗ ˗bha kö ˗yö nu ˗kankwëëdhe ˈka kwa ꞊zinŋgü ˗a ˈman, ˗kwa kwa ˗bha ˈˈdoo ˗nu ˗gban Zoova ˗bha ˗kɔlokota ˗bha ˈsëëdhɛ ˗nu ˗ta. (1 Ko. 1:10)—w23.02, ˈˈp. 16.

Yesu ˗bha ˗bɔyibhaasü waa˗ ˗bha gwëëˈˈ ˗nu ˗bha, ˗an ˗bhokopiʋ̈dhɛ ˈnën ˗tɔ ˗mën?

˗A ˗bhawɔn ˈti yö ö ˗de ˗nu Zoova ˗dhɛ ˗sü ˗bha ˈyö ˗tɔ ꞊dhɛ ˗yö ˗bhɔ ˈˈsɛgɔ ˈö ˗ya ö ˗de nu ˗Zlan ˗dhɛ ˈsaadhö ˗a ˈgü. ˈWɔn yaa kë ˗dhii ˈyaa kun Yesu ˗bha. ˗A ˗bhawɔn ˈti yö ˗go ꞊sɔnŋ yaa ˈgü ˗sü ˗bha.—w23.03, ˈˈp. 5.

ˈMën ˈkwa dho ˗a kë kö mɛn ꞊vadhɛ ˗wo ˈwɔn ˗daakë?

˗Kwa kwa ˗bha ˈwɔn ˗daa ˗nu kë ꞊klöö˗, kë ˈˈdhʋ̈ kö mɛn ˈˈwɛɛ ˗nu ˗wo dhiaŋzë ˈpö. Kwa dua ˈyaa ˗mü ˈzü kö ˈkwa pë ꞊va ˗wɔn blɛɛˈˈ. ˗Kwaa ˈbha ˗nu ˈto mɛn ˗nu ˈwo to ˗an ˗gɔ kö ˗wa blɛɛˈˈ.—w23.04, ˈˈp. 23.

ˈMën Isaïe 35:8 ˗ya ˗dhɛ «ˈˈSlʋ̈ʋ̈slʋ̈dhɛ ˗ʒian»?

Ʒiaan ˈˈgbɛɛ ˈö ˈˈdhʋ̈ ˈnën ˗tɔ ʒiaan ˈö Zuifö ˗nu dho bɔ ˗a ˈka kö ˗wo ˈgo Babidhɔnö ˗wo ˈdho wo ˗gɔ ˈˈsɛ ˈgü. ˈYö «ˈˈSlʋ̈ʋ̈slʋ̈dhɛ ˗ʒian» ˈö kwa ˗bha ˈˈtʋ̈ŋ ˈgü ꞊dɛɛ ˈpö bhë ꞊wɛ? Kö ˗kwɛ 1919 ˗yö ˈti ˗wo ꞊köŋ, yö ˗blɛɛsü ˗nu ˈwo˗ ˗kë ˈyö ˗tɔ Biblö ꞊dhiëëta ˗sü waa˗ ˗gan ˗sü, ˈwo pë ˈˈwɛɛ ˈbha ˗nu ˗kë ˈzü. ˗Zlan ˗bha ˈˈsɛgümɛn ˗dho bɔ «ˈˈSlʋ̈ʋ̈slʋ̈dhɛ ˗ʒian» ˗ta ˈwo ˈdho ˗zuugü ꞊bhɔɔ ˈˈsɛ ˈgü kö ˗Zlan ˗bha ˗Gblüdëdhɛ ˗ya ˈˈkpɔnŋ ꞊taa ˗wɔn ˗nu ˈˈɲanbhɔ.—w23.05, ˈˈp. 15-19.

Dhebɔ ˗nu ꞊plɛ ˗mɛɛn ˈö Proverbes ˈˈɲan ˈˈgblʋ̈gblʋ̈ 9 ˗yö ˗dhioo ˗gban ˗an ˗ta ˈö˗ dɔ kwa ˗ta?

Proverbes ˈsëëdhɛ ˗yö «dhebɔ ˈˈblɔɔnsü» ˈö˗ ˗bha mɛn ˗dhɛ ˗sü ˗yö dho˗ ˗mɛn ˈka «ga ˗gblü ˈgü» waa˗ mɛn do ˈö «꞊kpɔɔdhɛ ꞊dede» ˈdhö˗ ˗gɔ ˈö˗ ˗bha mɛn ˗dhɛ ˗sü dho˗ ˗mɛn ˈka «ˈˈtasü ˈwɔndɔdhe ˗ʒian ˗ta» ˗sü ˈgü bhë, ˗an ˗wɔn ˗blɛɛ. (Prov. 9:​1, 6, 13, 18)—w23.06, ˈˈp. 22-24.

˗Kɔ ˈö Zoova ˗yö ˈwɔn ˗nu ˗kë ˗a ˈka Lɔtö ˈˈpiʋ̈ bhë, ˗ya ˗zɔn ꞊dhɛ ö ö ˗de ˗kë ˈˈtɩtɩ ˈö ˈwɔn ˈgüman ˗kɔ ˗kë ꞊dhɛ?

Zoova ˗ya ˗pö Lɔtö ˗dhɛ ꞊dhɛ ˗yö ˗duëë kö ˗yö ˈgo Sodɔmö ˗pö ˈgü, ˗yö ˈdho ˗tɔn ˈgü. ˈˈKɛɛ ˈdhɛ ˈö Lɔtö ˗ya pö ö dho ˈdho Soa, ˗Zlan ˗yö ˗wɩ ˗a ˗bha.—w23.07, ˈˈp. 21.

Dhebɔ ˈö˗ ꞊gɔɔn ˗ya mɛn ˈˈkpee˗ ˈˈbin ˗ga, ˈmën ˈö dho ˗a kë?

ˈYa ˈdho ˗a pö ˗yö ˗sü ö ˗bha. ˗A dua ˗mü kö dhebɔ ˗nu ˈwo kun ˈwɔn ˈˈgbɩɩ˗ ˗nu ˈgü ˈö Zoova ˗yö ˗an zuʋ̈ˈˈ ˈwaannu bhë, ˗an ˗bha ˗kwɛzlan ˗nu ˈwo Biblö ˈgü ˗an ˗wo pö kö ˗yö ö ˗zota ˗an ˈgü. ˗Yö ꞊mɔɔn˗ ˗bha kö ˗yö ö ꞊gɔɔn ˗takun kö pë ˗nu ˈwo dho ˗a ˗kɔ ˗da pë ˈˈbin ˗nu ˈwo ˈˈdhʋ̈ ˗an ˗ga ˗sü ˈgü, ˗yö ˈˈkan ˗an ˗bha.—w23.08, ˈˈp. 14-17.

˗Wa kwa ˗bha ˗zoyödhe ˗da zɔɔdhe ˈgü, ˈwɔnbhokoodɔsü ˗dho ˗a kë kö ˈkwa kwa ˗de ˈsü ˈˈtɩtɩ ˗kɔ ˗kë ꞊dhɛ?

Dhɛɛˈˈ ˗nu ˈwo ˗an kpɔ kwa ˗gɔ bhë, ˗kwa ˗an yö ꞊dhɛ pë ˗nu ˈö ˈkwa ꞊mɔɔn˗ ˗bha ˈkwa bɔ ˗an ˗ta kö ˈkwa ˗an zuʋ̈piʋ̈wɔn dɔ, ˗an ˈdhö. ˈKwa˗ kë ˈˈdhʋ̈, kwa ˗dho ˗mɔn ˗a ˗daa ˗së ˗kë ˗an ˗gɔ ˗sü ˗bha.—w23.09, ˈˈp. 17.

˗Gleŋ ˗mɛɛn ˗nu ˈö ˈkwa ˗an sü Madhi ˗bha ˈgüdɔgbɩɩsü ˈgü?

ˈDhɛ Madhi ˗ya man ꞊dhɛ ö ˗dho ˗Zlan ˗bha ˗Yamɛn ˈkpɔ, ˗yö ꞊faanmëndhe ˗slɔɔ mɛn ˈˈwɛɛ ˗nu ˈˈpiʋ̈. Gabliɛ waa Edhizabɛtö ˗wo ˗bɔ ˗Zlan ˈˈDhiwo ˗ta ˈwo Madhi ꞊faanmën. Kwa ˗de ˈpö kwa ꞊mɔɔn˗ ˗bha ˈö ˈkwa ꞊faanmëndhe ꞊slɔɔ kwa ꞊dhegblü ˈˈpiʋ̈.—w23.10, ˈˈp. 15.

Zoova ꞊mɔɔn˗ ˗bha ˈö kwa ˗bha bhɛɛwo ˗nu ˗daakë ˗kɔ ˗kë ꞊dhɛ?

Zoova ˗ya ˗pö ꞊dhɛ ö ˗dho ö ˈˈtʋ ˈto kwa ˗bha bhɛɛwo ˗nu ˗bha. ˗Yö ö ˗zota ö dhɔɔbhaawɔn ˗nu ˈgü ˈö ꞊kun kwa ˗bha bhɛɛwo ˗nu ˗daakë. (Jér. 29:12) Zoova ꞊mɔɔn˗ ˗bha ˈö kwa ˗bha bhɛɛwo ˗daakë ˗kɔ ꞊va ˗ta. ˈˈKɛɛ ˗yö ˗kë ˗kɔ ˈˈoo ˗kɔ ˈgü, ˗yö ˗dho kwa ˗takun ˗kplawo.—w23.11, ˈˈp. 21-22.

Wlɔmö 5:2 ˗yö ‹˗zoyödhe› ˗wɔn ˗blɛɛ. ˈDhɛ ˈˈdhʋ̈ ˈmën ˗kë ˈö˗ ˗wɔn ꞊blɛɛ ˈzü ˗a ˈˈɲan ˈsɛɛn˗ 4 ˈgü?

Mɛn ˈbha ˗ya nɔɔn˗ ˗së man, ˗yö ꞊mɔɔn˗ ˗bha ˈö ga ˗a ˈgü ꞊dhɛ ö ˗dho kë ꞊bhɔɔ ˈˈsɛ ˗ta. ˈˈKɛɛ ˈwɔn ˈˈgbɩɩ˗ ˗nu ˗wa nu ˗a ˗ta, ꞊yaa˗ ˗an ˈkun ö ˗bha, ꞊yaa˗ yö ꞊dhɛ ö ˈˈdhia ˗yö ˗Zlan ˈgü, ˗a ˗bha ˗zoyö ˗dhɛkpaɔ dhiʋ̈ˈˈ ˗së ˗dhɛ ˗sü ˗gɛn ˗yö ˗gban, ˈö˗ yö ꞊dhɛ pë ꞊dede ˈö dho ˗a ꞊slɔɔ ˗a ˈdhö.—w23.12, ˈˈp. 12-13