˗Dhɛkpaɔyi do ˈka, kwa ꞊dhegblüdhe do ˈö Nuvɛlö Zelandö ˗yö video « Soucions-nous les uns des autres » ˗ga. ˗Wa ˗pö mü ꞊dhɛ ˗ya ˈˈkan Zoova ˗bha mɛn ˗wëëzësü ˗bha ö zuʋ̈ˈˈ ˈˈpiʋ̈, ˗ya ˗zɔn ˈpö ö këwɔn ˗nu ˈgü. (Is. 63:​7-9) ˗A ˗wɔn ˈgü, kwa ꞊dhegblüdhe ˗ya ˈˈslö ˗mɛɛn kö ˈö mɛn ˗nu ˗takun. ꞊Taabha, ˗dhɛ ˈö dho ˗bhöpë ˈdhɔ ˗dhɛ ˈgü ˈö ˗kpan dhebɔnën do ˈö ˈkɔ ˈyaa ˗gɔ ˗a ˗bha, ˗ya ˗pö ˗a ˗dhɛ ö ˗dho ˗bhöpë ˈdhɔ ˗a ˗bha ˈka. ˗A dhebɔnën ˗yö ˗wɩ ˗a ˗bha. Kwa ꞊dhegblüdhe ˗yö ˗bɔ ˗a ˗ta ˈö ˈsëëdhɛ ˈˈpɛn Saanˈˈ ˗dho ɲën ˗ee? nu ˗a ˗dhɛ.

Dhebɔnën ˗yö ˗ya ˈˈgbʋ bɔ ˗sü ˗bha ˈö˗ pö ꞊dhɛ ö ˗mɛn ˗nu ˗wo ö ˗to gagade ˈgü, ˈˈkɛɛ ˗a ˗kwɛ ˗ya kë ꞊va ˈö ˈya ˈˈkan ˗a ˗bha. ˗A yi ˈti ꞊gwëë ꞊köŋ ˈö ꞊bhɛɛ Zoova ˗dhɛ kö ˗yö ö ˗takun ˈö ö ꞊yɛɛ˗ kë. Kwa ꞊dhegblüdhe ˗yö Biblö do ˗nu ˗a ˗dhɛ, ˈö ˗an ˗wo ˗yö ˗mɔn ˗a draansü ˗bha. a

꞊Dhɛ Zoova ˈdhö, kwa dua ˗mü kö mɛn ˈˈpɛpɛ ˈö dho ˈö yö˗ ˈka kwa ˗bha ˈkɔdhigümɛn ˗nu waa ˗zlanwokɔdhigümɛn ˗nu ˗bha, ˈkwa ˗an ˗wëëzë. ˗Kwaa ˗zɔn mɛn ˗nu ˗dhɛ ꞊dhɛ ˗an ˗wëë ˗yö kwa ˗kë ˗an ꞊klaŋ ˗kë Biblö ˈka ˗sü ˈka.