Pë dosɛnŋ ˈö ˗Zlan ˗yö bɔ ˗a ˗ta ˈö kwa ˗bha ˈwɔn yaa ˗nu ˗bhawɔn to ˈyö ˗tɔ Yesu ˗bha ˗gɔtadhɔ ˈˈsaa˗. (Efɛ. 1:7) ˈˈKɛɛ Biblö ˗ya ˗pö: «[˗Zlan] ꞊ya zuësɛadhɛ kë ˈwɔnyaakëmɛ ˗nu ˈˈpiʋ̈ ˈö ˗bhɔ ˈka ˈnu zii,» kö Yesu ˈti kwa ˗gɔ ˗ta ˈdhɔ ꞊köŋ. (Wlɔ. 3:25) Zoova ꞊mɔɔn˗ ˗bha ˈö mɛn ˗nu ˗bhawɔn to kö ˗gɔtadhɔpë ˈyaa ˈdhö ꞊köŋ, ˈö to mü ˈzü ˈö ö ˗bha kpɛnŋdhödhɛ ˈtɔŋ˗ ˗ya ꞊bhlëë ˈgü ˗ee?

Zoova ˗ya ˈˈplüün ˗bho ꞊dhɛ dhebɔ «suu ˈgü ˗në» ˗dho mɛn ˗nu ˈwo ˈdhaŋ˗ bho waa ö ˗wo ˗an ˈˈdhiʋ̈, ˗an dha. ˈÖ sü yi ˈö bhë ˗a ˗bha, ˗yö kë ˗sü ˈka ꞊dhɛ pë ˈö ˗ya ˗gɔtadhɔpë nu ˈsaadhö ˗a ˈdhö. (ˈWun. 3:15; 22:18) ˗Yö ˗kun ga ˗sü ˈka ˈkpakpadhö ˗Zlan ˈgü ꞊dhɛ ö Gbö ˈnën ga do ˗dho ˈˈwɩ ˗a ˗bha kö ˈö mɛnbhɩɩdhe ˗nu ˗gɔ ˗ta ˈdhɔ. (Ga. 4:4; Ebl. 10:​7-10) ˈDhɛ Yesu nu ˈˈkpɔnŋ ꞊taa, ˈˈsanni ˗yö mɛn ˗nu ˗gɔ ˗ta ˈdhɔ, Zoova ˗ya ˗gba ˗kɔmɔnwɔnbhasü ˈka kö ˗yö mɛn ˗nu ˗bha ˈwɔn yaa ˗bhawɔn ˈto. Yesu ˗ya ˗kë ˈˈdhʋ̈, ˈyö sü ꞊dhɛ ˗yö ˗kun ˗a ˈˈɲaan ꞊dhɛ ö ˗dho mɛn ˗nu ˈwo wo ˗zo yö ˗a ˗dhɛ ˗an ˗gɔ ˗ta ˈdhɔ ˈö ˗an ˗bha ˈwɔn yaa ˗nu ˗takpa.—Mat. 9:​2-6.