ˈKwa˗ pö ˈkwa kë Zoova ˗dhɛ ˗së, kwa dua ˗mü kö ˗zoyödhe kë kwa ˗gɔ. ˈˈKɛɛ Biblö ˗ya ˗pö ꞊dhɛ «mɛ ꞊gban ˈˈpɛpɛ ˗zë ˈwii ˈdho kë ˈdhang˗ bho kwa Dëmɛ Yesu ˈˈdhiʋ̈ ˗mɛ ˈka.» (2 Tes. 3:2) Biblö ˈˈɲan ˈö bhë ˗a ˈgü, bɔmɛn Pɔdhö ˗yö ˗wɩ «ˈˈgblüyaamɛ ˗nu ˈwo ˈwɔnmakoomɛ ˗nu ˈka bha˗ ˗nu» ˈka. ˈKö ˗kë ˈˈdhʋ̈, pë ˈö˗ pö bhë ˗yö ˗gban mɛn ˈˈpɛpɛ ˗bha. Mɛn ˈbha ˗nu ˈwaa ˈdhaŋ˗ bho ꞊dhɛ ˗Zlan ˈnën ˗tɔ pë ꞊gban ˈˈpɛpɛ ˗Damɛn. (Wlɔ. 1:20) Mɛn ˈbha ˗nu ˗de ˈpö ˗wa ˗pö ꞊dhɛ wo wo ˗zoyö pë ˈbha ɛɛnˈˈ mɛn ˈbha ˈö ˈˈpiigbɩɩdhɛ ꞊dede ˈdhö˗ ˗gɔ ˗a ˗dhɛ. ˈˈKɛɛ ˗zoyödhe suu ˈö bhë, ˈyaa Zoova ˗dhɛ ˗së.

˗Yö kë ga ˗sü ˈka kwa ˈgü ꞊dhɛ Zoova ˗yö ˗dhö, ˈö mɛn ˗nu ˈwo wo ˗zoyö ˗a ˗dhɛ «ˈö ˈwɔn ˗së ˗kë ˗an ˗dhɛ.» (Ebl. 11:6) ˈKwa˗ pö ˗zoyödhe ˗yö kë kwa ˗gɔ, kwa ˗bhawɔn ˗yö ˗Zlan ˗bha ˗zuu ˈˈslʋ̈ʋ̈slʋ̈ ˗bha. Mɛn ˈö˗ ˈˈpiʋ̈ kö ˈö ˗zuu ˈˈslʋ̈ʋ̈slʋ̈ ꞊slɔɔ, ˗a dua ˗mü kö ˗yö bhɛɛˈˈ Zoova ˗dhɛ. (Dhu. 11:​9, 10, 13) ˗Zuu ˈˈslʋ̈ʋ̈slʋ̈ ꞊slɔɔ ˗kɔ ˗së ꞊dede ˈnën ˗tɔ ˈpö Biblö ˗wopösü. ˗Ya ˈgo mü, kwa ꞊mɔɔn˗ ˗bha ˈkwa kwa ˗zota pë ˈkwa˗ ˗wo pö ˗a ˈgü, ˈkwa˗ ˗ya ꞊bhlëë ˈgü. ˈKwa˗ kë ˈˈdhʋ̈, ˗zuu ˈˈslʋ̈ʋ̈slʋ̈ ˗dho kwa ˗bha ˗tosɛta bho ˈˈgblʋʋ ˈö kwa ˗takun kö ˗zoyödhe ˈö Zoova ˗dhɛ ˗së ˗yö kë kwa ˗gɔ.