Bɔmɛn Pɔdhö ˗yö ˈsëëdhɛ ˗bɔ Timote ˈö kun mɛn zii ˈka ˈpö ꞊dhɛ ö ˈdhö bhë ˗a ˗dhɛ, ˈö˗ pö: «A˗ ˗blɛɛ ü ˗dhë ˗zogbandhe ˈka ˗Zlan ˈdhö, Yesu Klito waa˗ ˗Zlan ˗bha bɔmɛ ˗nu [ɛɛnˈˈ ˈˈkiö ˗nu] ˈö ˗an sü ˗an wö ˈdhiö ꞊nɛɛ ˈwun ˗nu ˈwo bhë ˈü ü ˗zo kë ˗an ˈpiö kö ꞊kun ˈü ˗an ˗kë mɛ ˗zë ˈgü ˗sü ˈka ˈiin ˈü˗ ˗kë ˗dɔ mɛ ˈpiö ˗sü ˈka!»—1 Tim. 5:​21, NTBL.

ˈKwa˗ pö ˈˈkiö ˗nu ˈö ˗we ˗an ˈka bhë ˈkwa ˗an ˗dɔ, kwa ˗dho ˗a mɛn ˗nu ˈö ˗an dua ˈyaa ˗mü kö ˗wo kë ˗an kpö ˈgü ˗an ˗wɔn blɛɛˈˈ. Gagade ˈka ˈwaa ꞊mɔɔn˗ ˗bha kö ˗wo kë mɛn 144.000 ˗nu ˈka, ˈyö sü ꞊dhɛ ˈdhɛ Pɔdhö ˗yö ˈsëëdhɛ bɔ Timote ˗dhɛ kö mɛn ˗nu ˈti ˗ya ˗dho dhaŋ˗ ˈgü ˗sü ˗bha ꞊köŋ. ˈˈTʋ̈ŋ ˈö ˈˈdhʋ̈ ˗a ˈka, kö bɔmɛn ˗nu waa ˈˈɲɔn ˗a ꞊troo ˈˈwɛɛ ˗nu ˗wo ˈti kë ˗zuu ˗nu ˈka ꞊kun. ˈDhɛ ˈˈdhʋ̈, ꞊waa˗ pö «˗Zlan ˗bha bɔmɛ ˗nu [ɛɛnˈˈ ˈˈkiö ˗nu] ˈö ˗an sü» bhë, kö ˗wo ˈti ˈˈwɩ ˗an ˈka.—1 Ko. 15:​50-54; 1 Tes. 4:​13-17; 1 Zn. 3:2.

˗Ya ˈgo mü ˈzü «˗Zlan ˗bha bɔmɛ ˗nu [ɛɛnˈˈ ˈˈkiö ˗nu] ˈö ˗an sü» ˈˈdhʋ̈, ˈwaa ꞊mɔɔn˗ ˗bha kö ˗wo kë ˗a mɛn ˗nu ˈwo gɔɔgbɩɩdhɛ ˗kë ˈˈyi ˈkpii˗ pa ˈˈtʋ̈ŋ ˈgü bhë ˗an ˈka. ˗A ˗de ˗ʒiaan ˗wo ˗bɔ Sɔtraan ˈka ˈwo ˗kë ˗zuu yaa ˗nu ˈka, ˈö ꞊taabha ˈwo ˗gban Yesu ˗gɔ. (ˈWun. 6:2; Luk. 8:​30, 31; 2 Piɛ. 2:4) ˗Dhɛkpaɔ dhiʋ̈ˈˈ ˈgü, Yesu ˗dho ˗an ˗zuö ˗klɔŋ züʒiösü ˈgü ˗kwɛ 1.000 ˈˈpiʋ̈. ˗Ya ˈgo mü ˗wo ˗dho waa Dügɔmɛn ˗an ˈgü shiʋ̈ˈˈ.—Zud. 6; Dhɛ. 20:​1-3, 10.

«˗Zlan ˗bha bɔmɛ ˗nu [ɛɛnˈˈ ˈˈkiö ˗nu] ˈö ˗an sü» ˈö Pɔdhö ˗yö ˗we ˗an ˈka bhë ˈnën ˈwo ˗tɔ ˈˈkiö ˗nu ˈwo wo ˗kɔ ˗ya ‹˗Zlan waa Yesu Klito› ˗an ˗gɔ, Biblö ˈˈɲan do ˈö bhë ˗a ˈgü.

ˈˈKiö ˗nu gblü ꞊va ꞊dede ˈwo ˗klu ˗Zlan ˗bha ˗wo ˗dhö. (Ebl. 12:​22, 23) ˗Yö kë kwa ˈˈɲaan ꞊dhɛ ˗an ꞊gban ˈˈpɛpɛ ˈwaa yö do kë. (Dhɛ. 14:​17, 18) ˗A ˈwɔnzuan ˈnën ˗tɔ Zoova ˗ya mɛn dosɛnŋ ˈˈkpaan ˗bɔ kö ˗yö Asidhi ˈˈsɔdha 185.000 zë. (2 Rois 19:35) ˈˈKiö ˗nu ꞊va ˗de ˈpö ˗wo «mɛn ˈˈpɛpɛ ˈwo mɛn ˈˈwɛɛ ˗nu ˗puö ˗mɛn ˈka waa mɛn ˗nu ˈö ˈtɔŋ˗ ˗san ˗yö ˗an ˗kë ˈö ˈwaa˗ ꞊bhlëë ˗ya, ˗an ꞊gban kpa ˈkwëë˗ ˈö ˈwo ˗an bho [Yesu ˗bha] ˗Gblüdëdhɛ kë ˗dhɛ ˈgü.» (Mat. 13:​39-41) ˗A mɛn ˈˈwɛɛ ˈbha ˗nu ˗bha ˈnën ˗tɔ ‹mɛn ˗nu ˈö ˗Zlan ˗yö ö ˗kɔ ˗yɛ ˗an ˗bha ˗an ˗lo ˈkwëësü.› (Mat. 24:31) ˗A mɛn ˈbha ˗de ˈpö ˗wo wo ‹˗kɔ ˗kpa kwa ˗ta ˈwɔn ꞊gban ˈgü› ˗kplawo.—Ps. 91:11; Mat. 18:10; 4:11; Luk. 22:43.

ˈDhɛ ˈˈdhʋ̈ «˗Zlan ˗bha bɔmɛ ˗nu [ɛɛnˈˈ ˈˈkiö ˗nu] ˈö ˗an sü» ˈö 1 Timote 5:21 ˗yö ˗we ˗an ˈka bhë, ˗an ˗bha yö ˈnën ˗tɔ wo ˗zokë kwa ˈˈpiʋ̈ ˗sü. Pɔdhö ˗ya ˗pö ꞊dhɛ ˗zlanwokɔdhigümɛn ˗nu ˗wo ꞊bhlëë ˗ya mɛn zii ˗nu ˗bha. ˗Ya ˗pö pö mɛn zii ˗nu ˗dhɛ ꞊dhɛ ˗wo wo ˗bha yökë ˗ni ˈgü, ˗an dua ˈyaa ˗mü kö ˗wo ‹mɛ zë ˈgü ˈiin ˗wo dɔ mɛ ˈpiö.› ˗An dua ˈyaa ˗mü ˈzü kö ˗wo zadɔ mɛn ˗nu ˗bha ˗bia ˗ta. ˈPë ˗kë ˈö˗ ˗wɔn ˈdhö ˈˈgbɩɩ˗ kö ˗wo ˈto Pɔdhö ˗bha ˗dhioo ˈˈpiʋ̈ ˈnën ˗tɔ ˗wo yökë ‹˗Zlan, Yesu Klito waa˗ ˗Zlan ˗bha bɔmɛ ˗nu ˈö ˗an sü› bhë ˗an ˈˈɲan ˈˈdhiʋ̈. ˈˈKiö ˈbha ˗nu ˗de ˈpö ˗wo ˗zlanwokɔdhigümɛn ˗nu ˗takun, ˈwo ˗an ˗takpa, ˈwo nu ˗an ˗dhɛ ˗zlanwopösü ˈka, ˈö go mü ˈwo˗ ˈˈklɔɔnbho Zoova ˗bha.—Mat. 18:10; Dhɛ. 14:6.