˗A ˈbha ˗ya kë kö ˈpë ˈkwa˗ ꞊draan ˗a ˗bha ˗to kwa ˈˈɲaan ˗sü ˈö bhë ˗yö kwa ˗kɔa ˈˈgbɩɩ˗. ˈˈKɛɛ pë ˈˈbin ˗nu ˈö Yesu ˗yö bɔ ˗an ˗ta ˈö kwa ꞊klaŋkë bhë, ˗an ˗bha ˗to kwa ˈˈɲaan ˗sü ˈyaa ˈˈgbɩɩ˗. ˈKwa kwa ˗zota pë ˈˈbin ˗nu ˈwo ˈˈdhʋ̈ ˗an ˈgü, ˗ya ˗kë ˈö kwa ˗zo ˗yö ˗da ˗an ˗gleŋ ˗nu ˈˈpiʋ̈. ˗Kɔ do ˈö bhë ˗a ˈka ˈkwa˗ pö ˈpë ˈkwa˗ ꞊draan ˗yö ˈto kwa ˈˈɲaan, ˗kwa kwa ˗zota ˗a ˈgü. Kwa ˗dho ˗a kë ˈˈdhʋ̈ ˗kɔ ˗kë ꞊dhɛ? Kwa ˈsëëdhɛ draanˈˈ ˗ni ˈgü, ˗kwa pë ˈˈbin ˗nu ˈsü.

Mɛn ˗nu ˗wa pë ˗dɛɛ ˗nu ˈˈbin ˈsü, ˗yö ˗an ˗takun ˈö ˗an ˗zo ˗yö to ˗an ˈˈpiʋ̈. Pë ˈˈbin ˈsü ˗sü ˗ya ˗kë kö ˗wo gaga ˗nu ˈwo˗ ˈgü, ˈkwa ˗an dɔ. ˈˈKɛɛ ˗ya ˗kë ˈzü ˈö ˈwɔn ˗nu ˈwo ˗gban ˗a ˗bha, ˈkwa ˗an dɔ. ˗A pë ˈˈbin ˗nu dua ˗mü kö ˗wo kë ˗bhaasü. Mɛn ˗nu ˈö ˗wa kë zii bhë, pë ˈˈbin ˈsü ˗sü ꞊mɔɔn˗ ˗bha ˈö ˗an ˗takun kö ˗an ˗zo ˗yö ˈto ˈpë ˈwo˗ ꞊draan ˗a ˈˈpiʋ̈.

꞊Taabha ka ˈsëëdhɛ draanˈˈ ˗ni ˈgü, ka ꞊mɔɔn˗ ˗bha ˈka pë ˈˈbin ˗nu ˈsü. ˗A ˗bha ˗to ka ˈˈɲaan ˗sü ˈwɔn ꞊mɔɔn˗ ˗bha ˈö ka ˈkun ˗ʒianwo.