ˈˈTan 152
Yi ꞊faan, yi ˗zoyödhɛmɛn, ˈö yi ˗zo ˗gban
˗A ˈsü:
(Proverbes 14:26)
-
Zoova yi Dë ˈbha ˗dhɛkpaɔ dhiʋ̈ˈˈ
ˈö ˗së ˗a ˗ya yi ˗gɔ.
ˈWɔn ˗së bhë, ˗yö yi zuʋ̈ˈˈ ꞊nii ˗da.
Yi dho˗ pö mɛn ˗nu ˗dhɛ.
ˈˈKɛɛ ˈˈkpɔnŋ ꞊taa ˗wɔn ˈˈgbɩɩ˗ ˗nu ˗wo ˈˈsuʋ̈ ˗da
yi ˈgü ˈpö yi ˈbhaa ˗nu ˈka.
꞊Ya kë ˈˈdhʋ̈ ˈyö ü ˗dhɔkësü
˗yö ˗da ˈgüdandhe ˈgü.
(˗A ˈKUN ˗KƆ)
Yi Dë ˗Zlan, bhi ˈnën ˈü
yi ˗takunmɛn ˈka.
ˈPë ˈyi˗ ˈˈpiʋ̈, ü˗ ꞊gban ˗kë yi ˗dhɛ.
Yi ˗zlanwopö, ˈyi mɛn ˗nu
꞊klaŋ ˗kë, ˈö ˈˈsuʋ̈
ˈyaa yi kë ˈyö ˗tɔ ü yi ꞊zlöö.
-
Zoova ˗bhö zuʋ̈ˈˈ ˈˈpuu nu yi ˗dhɛ,
kö yi ˗zo ˈya ˗dho bhɔ
ˈWɔn ˗së ˈsaadhö ˈü˗ ˗kë yi ˗dhɛ
ˈˈTʋ̈ŋ ˈˈgbɩɩ˗ ˗nu ˈgü ˗an ˈka.
Yi˗ ˈwɔn ˗dɔ ꞊dhɛ ü ˗kɔ ˗yö yi ˗gɔ,
ü ˗ʒiaan ˗së ˗zɔn yi ˗dhɛ ˈpö,
ˈÜ ꞊faan nu yi ˗dhɛ kö ˈyi ü
ˈtɔ bhɔ zuʋ̈saadhɛ ˈka.
(˗A ˈKUN ˗KƆ)
Yi Dë ˗Zlan, bhi ˈnën ˈü
yi ˗takunmɛn ˈka.
ˈPë ˈyi˗ ˈˈpiʋ̈, ü˗ ꞊gban ˗kë yi ˗dhɛ.
Yi ˗zlanwopö, ˈyi mɛn ˗nu
꞊klaŋ ˗kë, ˈö ˈˈsuʋ̈
ˈyaa yi kë ˈyö ˗tɔ ü yi ꞊zlöö.
(Kpɔɔˈˈ Ps. 72:13, 14; Prov. 3:5, 6, 26; Jér. 17:7 ˗bha.)
