Nɔɔn˗ ˗së ˈsëëdhɛ ˈö Makö ˗ya ˗bɛnzë 16:1-8
-
Yesu ˗bha ˗go ga ˈgü ˗sü (1-8)
16 ˈDhɛ ˈö ꞊Glooyi ˗yö ˗ʒiö, ˈyö Madhi ˈö go Madala, Madhi ˈö ˗kë Zakö dhe ˈka waa Salome, ˈwo ˈˈɲɔn ˈˈtöö ˗së ˗sü dhɔ kö ˈwo ˈdho ˈwo˗ kë Yesu ꞊glöö ˗bha.
2 ˗Dhɛkpaɔyi ˈö dɔ ꞊Glooyi ˈö bhë ˗a ˈˈpiʋ̈* ˗a dhiapiʋ̈ ˈka, ˈyö ˈwo ꞊luu ˈpë˗ kö ˈɲaan˗ ˗yö luuˈˈ ˗ni ˈgü, ˈö ˈwo dho ˗a blɔɔn˗ ꞊taa.
3 ˗Wo ˗kun ˗a pö ˗ni ˈgü wo ˈko ˗nu ˗dhɛ: «De ˈö ˗dho ˗gwö ˈö blɔɔndhɛ ˈˈdhiʋ̈ bhë ˗a bho mü kwa ˗dhɛ ꞊zɔɔ?»
4 ˈˈKɛɛ ˈdhɛ ˈwo wo ˗gɔ ꞊luu ˈwo ˗dhɛ ˗ga, kö ˗gwö kpö ˈkpikikpiki ˈö bhë ꞊waa˗ glünŋˈˈ ꞊waa˗ bho mü.
5 ˈDhɛ ˈwo ˗da blɔɔndhɛ ˈö bhë ˗a ˈgü, ˈyö ˈwo ˗kpan ˈnëngɔnnën do ˗bha kö ˗yö ˈɲaannu ˗sü ˈka ˗an ˗kɔ ˗së ˈgü kö gblɔŋ ˈˈpuu ˗ya ˗bha. ˈYö ˈˈshiʋ̈ ˗yö ˗kan ˗an ˈˈgblü.
6 ˈYö˗ pö ˗an ˗dhɛ: «ˈˈSuʋ̈ ˈya ˗dho ka kë. Yesu ˈö go Nazadhɛtö ˈö ˈwo˗ zë ˈˈdhü ˗bha bhë ˈyaa ˈnën ˈö ˈka˗ mɛɛnˈˈ ˗ni ˈgü bhë ˗ee? ˈYaa ˗dhɛ ˈö yö ˗a ˈgü ˈzüdho, ˗ya ˈgo ga ˈgü. ˗Ka ˗dhɛ ˗ga, ˗dhɛ ˈwo˗ ˗wɔ ˗a ˗bha bhë yö ˗ga ˈö ꞊nɛn.
7 ˗Ka ˈdho ˈka˗ pö ˗a ˗bha gwëëˈˈ ˗nu waa Piɛɛ ˗an ˗dhɛ: ‹˗Ya dɔ ka ˈˈdhiʋ̈ ˗ya ˈdho Galile. Ka ˗dho ˗kpan ˗a ˗bha ˈmü ꞊dhɛ ˗kɔ ˈö˗ to ˈˈdhiʋ̈ ˈö˗ pö ˗a ˈka ka ˗dhɛ bhë ˗a ˈdhö.›»
8 ˈDhɛ ˈö ˗kë ˈˈdhʋ̈, ˈyö ˈwo go blɔɔndhɛ ˈö bhë ˗a ˈgü ˈwo ʒiö ˗bia ˈka kö ˗an zuʋ̈ˈˈ ˗ya kaanˈˈ ˈˈkwöö ˗wo ꞊zii ˗ni ˈgü. Wo ˈti ˈwɔn ˈbhaa blɛɛˈˈ mɛn ˈbhaa ˗dhɛ, ˈyö sü ꞊dhɛ ˈˈsuʋ̈ ˗kun ˗an kë ˗ni ˈgü.*
-Zoto -a ˈˈpiʋ̈ -wɔn -nu
^ Glɛkö ˗wo ˈgü ˈyö ˗tɔ «ˈˈdhoogɔ ˈö dɔ ˗a ˈˈpiʋ̈ ˗a ˗dhɛkpaɔyi ˗blɛɛsü.» Yö ˈnën ˈö ˗tɔ Zuifö ˗nu ˗bha ˗tɛɛdhoowayi.
^ Biblö ˗be ˗nu ˈwo ˗an ˗ya wo ˗kɔ ˈˈdhiʋ̈ ˈkpa bhë, ˗a zii ꞊dede ˗nu ˈö ˈwo ˈdhaŋ˗ ˗bho ˗a ˈˈdhiʋ̈ ˗pë ˈka, ˗wa ˗zɔn ꞊dhɛ Makö ˈsëëdhɛ ˗be ˈˈdhiʋ̈ ˗yö ˗to ˗wo ˗nu ˈwo˗ ˈˈɲan ˈsɛɛn˗ 8 ˈgü ˗an ˗ta.
