-MËN ˈÖ -KË ˈÖ- -WƆN ˈDHÖ ˈˈGBƖƖ-? Kwa -bha Biblö ꞊klaŋ -nu ꞊waa- pö ˈwo kë Zoova -dhɛ -së, kö -an dua -mü kö -wo wo -de nu -a -dhɛ, kö -wo bɔ ˈˈyi -bhaa. (1P 3:21) Mɛn -nu ˈwo wo -de nu -Zlan -dhɛ, -wa ˈto wo -wo -ta, -Zlan -yö ö -kɔ -kpa -an -ta. (Ps 91:1, 2) Kletiɛn -nu -wo wo -de -nu Zoova -dhɛ. ˈWii wo -de nu mɛnbhɩɩdhe, yö ˈbha ɛɛnˈˈ -a -bha -kɔlokota -dhɛ. -Dhɛ ˈö ˈˈdhʋ̈, kö Biblö ꞊klaŋ -nu dua -mü kö -Zlan -dhɔ -yö -an kë.—Wlɔ 14:7, 8.

KWA -DHO -A KË -KƆ -KË ꞊DHƐ?

• Ü ü -bha Biblö ꞊klaŋ ꞊klaŋ kë -ni ˈgü, ˈwɔn ˈö -gban Zoova -bha, -bhö -a -bhokoo kë -a -dhɛ. -Bhö -a ꞊faan ˈmën kö -yö Biblö -wo pö yi ꞊gban ˈˈpɛpɛ ˈka, kö -yö bhɛɛˈˈ Zoova -dhɛ “ˈˈtʋ̈ŋ ꞊gban ˈka.”—1Te 5:17; Zk 4:8

• -Bhö -a ꞊faan ˈmën kö -yö ö -de -nu -Zlan -dhɛ -sü waa -bɔ ˈˈyi -bhaa -sü -wɔn -ya ö zuʋ̈ˈˈ ˈˈpiʋ̈. ˈGo mü ˈzü, -bhö -a ꞊faan ˈmën kö -yö ö -kɔ luuˈˈ -bhɔkwëë -nu -ta, kö -yö -zlanwopö ö -mɛn -nu waa ö ˈˈtɔŋdë -nu -dhɛ. Ü -zo ˈya ˈdho bhɔ ꞊dhɛ Zoova ˈyaa mɛn -nu ˈˈfloosɩ bho ö -dhɔkësü -bha. -De -nu -Zlan -dhɛ -sü -yö -go mɛn -de ˈgü.—Dt 30:19, 20

• -Bhö ü -bha Biblö ꞊klaŋ ꞊faan ˈmën kö -yö ö -bha -tosɛta kë -kɔ ˈbhaa -nu bho ˈˈgblʋʋ, kö -yö kë Zoova -dhɛ -së, kë ˈˈdhʋ̈ kö -yö bɔ ˈˈyi -bhaa. (Pr 27:11) -Dhɛ ˈö -kë ꞊dhɛ -kan këwɔn yaa ˈbhaa -nu -bha -sü -yö ˈˈgbɩɩ- bhë, ü dua -mü kö ˈü ü -bha Biblö ꞊klaŋ -takun -kplawo kö -yö ˈˈkan ö këwɔn zii -nu -bha, kö -yö kë mɛn -dɛɛ ˈka. (Ef 4:22-24) -Bhö ˈwɔn -gɔ -nu « La Bible transforme des vies » ˈwo la Tour de Garde -nu ˈgü bhë, -an ˈbhaa -nu -wo pö -a ˈˈpiʋ̈.

• -Bhö zuʋ̈gblüdhidhe ˈü- ꞊slɔɔ Zoova -dhɔkësü ˈgü, -a -wɔn blɛɛˈˈ -a -dhɛ.—Is 48:17, 18