ˈÖ sü Sɛtanblö ˈˈsu -bha, ˈsëëdhɛ nu -kɔ ˈˈslö -dɛɛ -dho kë -Kë Kletiɛn ˈka -sü waa -zlanwopö -yö -bhɔkwëë ˈsëëdhɛ ˈgü. -A -gɔ ˈnën ˈtɔ-: “-Kwa gagade -zɔn mɛn -nu -dhɛ.” Pë ˈkwa -dho -a -ya kwa -zoˈˈpiʋ̈ ˈˈtʋ̈ŋ bhë, -a ˈgü, ˈnën ˈtɔ- -bɔ dhɛɛˈˈ do waa Biblö ˈˈɲan do -ta -sü kö ˈkwa gagade ˈö go Biblö ˈgü, -a -zɔn mɛn -nu -dhɛ.

꞊Ya kë ꞊dhɛ ˈkwa- yö ꞊dhɛ -a ˈwɔn -ya -mɛn -dhɛ -së, kwa ꞊mɔɔn- -bha ˈkwa ˈsëëdhɛ do to -a -gɔ, ɛɛnˈˈ ˈzü ˈkwa jw.org video do -zɔn -a -dhɛ, kë ˈˈdhʋ̈ kö ˈkwa -wo -a -mɛn -dhɛ ꞊taabha. -Kwa kwa ˈgü dɔ ˈˈgbɩɩ- kö ˈkwa -wo -a -dhɛ ˈˈvaandhö kö ˈkwa ˈdho kwa -bha ˈˈdoo bhë, -a ˈka ˈˈdhiʋ̈. ˈˈSlö -dɛɛ -nu ˈwo bhë waa yö ˈö ꞊klaŋdhiʋ̈nën -nu -dho -a kë -dho -gban -to mɛn ˈˈtʋʋdhö -wɔn -nu ˈwo kwa -bha ˈsëëdhɛ -be Biblö -ya -pö kwa -dhɛ ꞊dhɛ? ˈgü bhë, -an -ta. -A ˈˈpian bhë- ˈgü, kwa -dho dhɛɛˈˈ ˈbhaa -nu waa Biblö ˈˈɲan -nu ˈwo -dho kwa -takun kö ˈkwa -wo -a -dhɛ ˈzü -dɛɛwo, ɛɛnˈˈ kö ˈkwa- ꞊klaŋ kë Biblö dosɛnŋ ˈka, -an yö mü.

Ʒian ˈö dho -tosɛta ˈö ˈyaa ɲën -a -ta, -yö dosɛnŋ. (Mt 7:13, 14) -Dhɛ ˈö -kë ꞊dhɛ kwa -zlanwopö mɛn suu ꞊gban ˈˈpɛpɛ -dhɛ bhë, kö kwa dua -mü kö gagade ˈö -dho mɛn ˈö ˈdhö -a -takun, -a -zɔn -a -dhɛ. (1Ti 2:4) ꞊Ya kë ꞊dhɛ kwa -bha ˈˈdoo -dɔ mɛn -nu ˈˈpiʋ̈ -kɔ ˈö Biblö ˈka -yö kë -ni ˈgü -së, ˈö ˈkwa kë -ni ˈgü -zlanwopömɛn -tiaandhö ˈka “mɛ draan- tɛanwɔn ˈö go -Zlan ˈˈpiʋ̈ bha” -a ˈka -sü ˈgü, kwa -bha zuʋ̈gblüdhi -dho -da ˈˈdhiʋ̈, ˈö kwa -gɛn -yö dho ˈˈdhiʋ̈ gagade -zɔn mɛn -nu -dhɛ -sü ˈgü.—2Ti 2:15.