Yesu ˗yö «naɔ ˗së ˈö ˗gban [˗Zlan] ˗bha ˗gblüdëdhɛ ˗bha» ˗a ˗dɔ mɛn ˗nu ˗gɔ. (Dk 4:43) ˗Ya ˗pö mɛn ˗nu ˗wo bhɛɛˈˈ ˗Gblüdëdhɛ ˈö bhë ˗a ˗bhaa ˈka. (Mt 6:9, 10) Novanblö ˈˈsu ˈgü, kwa ˗dho kwa ˈgü dɔ ˈˈgbɩɩ˗ kö ˈwɔn ˈö ˗gban ˗Zlan ˗bha ˗Gblüdëdhɛ ˗bha ˈkwa˗ ˗zɔn mɛn ˗nu ˗dhɛ. (Mt 24:14) ˗Kwa kwa ˗bha ˈˈtʋ̈ŋ baaˈˈ kö ˈkwa kwa ˗kɔ ˗da ˗zlanwopösü ˈö bhë ˗a ˈgü ˈpö. Mɛn ˈˈpɛpɛ ˈwo ˗dho kë ˗yödhiʋ̈ ˗kɔ ꞊lö ˈka ˈˈsu bhë˗ ˈgü ˗wo ꞊mɔɔn˗ ˗bha ˈwo wo ˗kɔ ˗yɛ ˈˈlɛlɛ 30 ɛɛnˈˈ 50 ˗bha kö ˗wa kë.

˗Kwa Biblö ˈˈɲan ˗nu ˈwo ˗gban ˗Zlan ˗bha ˗Gblüdëdhɛ ˗bha ˗an ˗zɔn mɛn ˈˈʋʋ ˈmɛn ˈkwa ꞊mɔɔn˗ ˗bha ˈkwa˗ ˗zɔn ˗a ˗dhɛ, ˗a ˗dhɛ. ˈKwa kwa ˗kɔ ˈˈyɛ ˗ni ˈgü ˗a Biblö ˈˈɲan ˈö ˈˈdhʋ̈ ˗a ˗bha, ˗kwa kwa ˈˈtʋ̈ŋ kë ˗zlanwo ˈö˗ ˗mɛn ˈdhö˗ ˈgü, ˗a ˈgü. ꞊Ya kë ꞊dhɛ ˗womɛndhɛsü ꞊blɛɛsü ˈˈtʋ̈ŋ ˈka, ˗a ˗mɛn ˗ya ˈˈtʋ ˈto ˗së ˈka kwa ˗bha, ˗kwa ˗zlanwopö ˗a ˈka La Tour de Garde No. 2 2020 do nu ˗a ˗dhɛ. ꞊Ya ˈgo mü ˗kwa ˗wo ˗a ˗dhɛ ˈˈvaandhö kö ˈkwa ˈdho ˈˈdoo ˈka ˈˈdhiʋ̈. ˗Kwa bɔ ˈsëëdhɛ ˗nu ˈwo kwaa mɛn ꞊klaŋ ˗kë ˗a ˈka pë ˗nu ˈgü, ˗a do ˗ta kö ˈkwa Biblö ˗draan ˗a ˈˈpiʋ̈ ˗sü züdɔ. ˗A ˈˈtʋ̈ŋ ˈyaa ꞊gblɛɛn ˈzü kö ˗Zlan ˗bha ˗Gblüdëdhɛ ˗yö ˈˈsɛkɔɔnmɛn ˗nu ˈwo ˗gban ˗sü ˈka˗ ˗gɔ, ˗an ˈgü shiʋ̈ˈˈ. (Dn 2:44; 1Ko 15:24, 25) ˗Dhɛ ˈö ˈˈdhʋ̈, ˗kwa ˈwɔn ꞊gban ˈˈpɛpɛ kë kö ˈkwa ˈˈtʋ̈ŋ ˗së bhë˗ ˈsü kö ˈkwa˗ ˗zɔn ꞊dhɛ kwa kwa ˗gɔ ˗dho Zoova waa˗ ˗bha ˗Gblüdëdhɛ ˗an ˗dhɛ ˈˈshia˗.