ˈNëmɛn -nu ˈwo -suö -Zlan -gɔ -wa ˈˈpiʋ̈ ꞊dedewo kö -an -bha ˈnën -nu ˈwo ˈto -klu -sü ˈka Zoova -bha. ˈˈKɛɛ ꞊ya kë ꞊dhɛ ˈwo- ˈˈpiʋ̈ ˈˈdhʋ̈, -an dua mü kö -wo -Zlan -Wo -zɔn -an -dhɛ -sü zübho -an -bha ˈnëndhɛ ˈgü kö -yö ˈto -an zuʋ̈ˈˈ ˈˈpiʋ̈. (Dt 6:7; Pr 22:6) -A kë ˈˈdhʋ̈ -sü ˈyaa ˈwɔn ˈˈplëëplë ˈka, ˈˈkɛɛ -a ꞊trɔɔn -së ˈö ˈgo -a ˈgü bhë, -yö ꞊va.—3Zn 4.

Zozɛfö waa Madhi -an -bha ˈwɔnzuan ꞊mɔɔn- -bha kö -yö -gleŋ ꞊va -da ˈnëmɛn -nu -bha. “-Wo -gun ˈdho sië Pakö troo -ta Zedhizadhɛmö -kwɛ ꞊gban ˈˈpɛpɛ -ta” ˈkö kë ꞊dhɛ ˈwëëga -wɔn waa yö ꞊va -kun -a ˈgü. (Dk 2:41) Pë ˈö- -wɔn ˈdhö kun ˈˈgbɩɩ- Zozɛfö waa Madhi -an -gɔ, ˈyö -tɔ kö -an -bha ˈkɔdhigümɛn -nu ꞊ɲɔn Zoova ˈˈsɔɔ. ˈNënmɛn -nu ˈwo ꞊dɛɛ -an dua -mü ˈpö kö -wo ʒian -së -zɔn wo -bha ˈnën -nu -dhɛ -bɔ pë ꞊gban ˈˈpɛpɛ -ta -sü ˈka kö -wo -an ꞊klaŋ kë wo ˈˈdhiwo waa wo -bha ˈwɔnzuan -nu ˈka.—Ps 127:3-5.

-KA VIDEO ILS ONT SAISI TOUTES LES OCCASIONS DE SERVIR JÉHOVAH -GA. ꞊YA ƝËN DHƐƐˈˈ -NU ˈWO YÖ, ˈKA -AN -YƆ BƆ.

• Zan waa Shadhɔnö Shidhëë -wo -Gblüdëdhɛ -wɔn -bɔ ˈˈdhiʋ̈ -kɔ -kë ꞊dhɛ ˈˈkɛɛ ˈkö ˈnën -nu wo -an -gɔ?

• ˈMën -kë ˈö ˈnënmɛn -nu dua ˈyaa -mü kö -wo wo -bha ˈnën -nu ꞊gban ꞊klaŋ kë -kɔ do ˈka?

• ˈNënmɛn -nu -dho wo -bha ˈnën -nu -takun mü ꞊dhɛ kö ˈwɔn -nu ˈwo -dho -an -bha -zoyödhe -da ˈgüdandhe ˈgü, -wo -gban -an -gɔ?

• Kwa -bha yö -kë -a ˈka pë -mɛɛn ˈü ü -bha ˈnën -nu -takun -a ˈka kö -wo -kë Zoova ˈˈtɔŋdë -nu ˈka?