KWA -BHA -KË KLETIƐN ˈKA -SÜ
Döŋ -nu ˈwo ɛntɛnɛtö -ta, -kwa kwa -de ˈkun -an -bha
-MËN ˈÖ -KË ˈÖ- -WƆN ˈDHÖ ˈˈGBƖƖ-? -Kpankwëëdhɛ ˈö ɛntɛnɛtö -ta, -yö ꞊mɔɔn- -bha kö -yö kwa -takun ɛɛnˈˈ kö -yö pë yaa kë kwa ˈka ꞊dhɛ yö -kë -a ˈka pë ꞊vadhɛ ˈdhö. Kletiɛn ˈbha -nu -wa -pö ˈwi ˈdho yö kë -a ˈka. ˈˈKɛɛ Kletiɛn ˈbha -nu -wo -bɔ -a -ta ˈwo -kpan wo dɔmɛn -nu -bha. ˈKö kë ˈˈdhʋ̈, Dügɔmɛn -zë, -ya ˈˈpiʋ̈ ˈkwa- ˈsü kö ˈkwa pë yaa -kë -a ˈka kë ˈˈdhʋ̈ kö kwa ˈtɔ -yö shiʋ̈ˈˈ ɛɛnˈˈ kö kwa -shiö -Zlan -dhɛ. Kwa ꞊mɔɔn- -bha ˈkwa ˈtɔŋ- -gɛngbandhɛ -nu ˈwo -Zlan -Wo ˈgü -an sü ꞊dhɛ Yesu ˈdhö kö ˈkwa- -bha döŋ -nu dɔ, ˈkö ˈkwa ˈdho -pö -an ˈgü.—Dk 4:4, 8, 12.
DÖŊ -NU ˈÖ ˈKWA -DHO KWA -DE ˈKUN -AN -BHA:
-
ˈˈTʋ̈ŋ ꞊va -kë -kpankwëëdhɛ ˈö ɛntɛnɛtö -ta, -a -ta -sü. ˈˈTʋ̈ŋ ꞊va -kë -kpankwëëdhɛ ˈö ɛntɛnɛtö -ta, -a -ta -sü ꞊mɔɔn- -bha kö -yö ˈˈtʋ̈ŋ -së ˈkwa -dho -a ˈsü kö ˈkwa -Zlan -bha yö kë -a ˈka bhë, -a ꞊gban ˈˈpɛpɛ shiʋ̈ˈˈ.
Biblö -bha ˈtɔŋ- -gɛngbandhɛ -nu: Ef 5:15, 16; Fdh 1:10
-
Pë ˈˈbin yaa -nu -ga -sü. Pë ˈˈbin yaa -nu -ga -sü ꞊mɔɔn- -bha kö -yö mɛn -da mɛn kpee ˈˈbin -ga -sü ɛɛnˈˈ ˈˈɲangüyaa kë -sü ˈgü. Mɛn -nu ˈö -wa wo ꞊taa yö Zoova -gɔ, -an -bha pë -nu -wo pö -sü ꞊mɔɔn- -bha kö -yö kwa -bha -zoyödhe shiʋ̈ˈˈ.
Biblö -bha ˈtɔŋ- -gɛngbandhɛ -nu: Mt 5:28; Fdh 4:8
-
Foto -nu -ya -a -ta -sü ɛɛnˈˈ dhiaŋ yaa -blɛɛ -a -ta -sü. ˈDhɛ -kë ꞊dhɛ kwa ʒuʋ̈ga -yö ˈya- bhë, -yö ꞊mɔɔn- -bha ˈö kwa -blü ˈö ˈkwa pë ˈˈbin yaa -ya -kpankwëëdhɛ ˈö ɛntɛnɛtö -ta, -a -ta ɛɛnˈˈ ˈö ˈkwa ˈwɔn yaa ꞊blɛɛ -a -ta. ˈˈKɛɛ -a kë ˈˈdhʋ̈ -sü ꞊mɔɔn- -bha ˈö mɛn ˈbha ˈtɔ -shiö ɛɛnˈˈ ˈö- -kɔ ꞊zɔɔ -Zlan -bha yö -bha.
Biblö -bha ˈtɔŋ- -gɛngbandhɛ -nu: Wlɔ 14:13; Ef 4:29
-BHÖ VIDEO RÉSEAUX SOCIAUX : NE TE LAISSE PAS AVOIR ! -GA. ꞊YA ƝËN, -KƆ ˈÜ -DHO -A -KË -A ˈKA KÖ ˈBHA ˈDHO -PÖ ˈWƆN -NU BHË -AN ˈGÜ, -BHÖ Ü -ZOTA -A ˈGÜ:
