ˈÖ sü 2018 Zanvie ˈˈsu ˗bha, ˗zlanwopö ˗kɔ ˈˈslö ˈbhaa ˗nu ˗wo Kwa ˗bha ˗kë Kletiɛn ˈka ˗sü waa ˗zlanwopö ˗yö ˗bhɔkwëë ˗kë ˗a ˈka ˈsëëdhɛ ˈˈpian ˗blɛɛsü ˗ta. Kwa dho yö ˗kë ˗an ˈka ˗kɔ ˗kë ꞊dhɛ?

˗Wa ꞊klaŋnën ˗nu ˗bha yö nu kwa ˗dhɛ ˗bhɔkwëë ˗ta: Kwa dua ˗mü kö ˈkwa bɔ ˗zlanwopö ˗kɔ ˈˈslö bhë˗ ˗bha dhɛɛˈˈ, ˗a ˗bha Biblö ˈˈɲan waa˗ ˗bha dhɛɛˈˈ ˈö˗ ˗yɔ ˗dho bɔ ꞊taabha ˗an ˗ta. ˈˈKɛɛ ˗a kë ˈˈdhʋ̈ ˗sü ˗gɛn ˈyaa ˈnën ˗tɔ ꞊dhɛ ˈkwa ʒiö ˗wo ˗nu ˈwo ˗zlanwopö ˗kɔ ˈˈslö ˗bha video ˗nu ˈgü bhë, ˗an ˈˈpiʋ̈ ˈkpakpadhö. Kwa ꞊mɔɔn˗ ˗bha ˈkwa˗ dhiaŋ züdɔdhɛ, ˈwɔn ˗yöködhiʋ̈ ˗kɔ waa pë ˈˈwɛɛ ˈbha ˗nu ˈwo ˗an ˈgü, ˗an bho ˈˈgblʋʋ. Kwa ꞊mɔɔn˗ ˗bha ˈkwa ˈsëëdhɛ ˈbha ˈö kwa ˗bha mɛn ꞊klaŋkëkapë ˈgü ˗a nu ˈˈtʋtokwabhamɛn ˗dhɛ, ˈkö ꞊dee kwa ˗bha yö ˈyii˗ pö ˈkwa˗ kë ˈˈdhʋ̈.

˗Zlanwopödhɛ ˈgü: ˗Zlanwopö ˗kɔ ˈˈslö ˗nu bhë ˗wo ˗an ˗kë kö ˈpë ˈkwa dho ˗a pö ˗zlanwopödhɛ ˈgü, ˈkwa˗ dɔ. Mɛn ˈbha ˗ya ˗zɔn ꞊dhɛ ˗Zlan ˗wo ˗dhɔ ˗ya ˗bha, kwa ꞊mɔɔn˗ ˗bha ˈkwa dho ˈˈdoo ˈka ˈˈdhiʋ̈ ˗bɔ ˗wo ˗nu ˈwo ˗womɛndhɛsü ˗dɛɛ ˗bha ˈˈslö ˈgü bhë, ˗an ˗ta ˗sü ˈka. Kwa ꞊mɔɔn˗ ˗bha ˈkwa ˗zlanwopö ˗kɔ ˈˈslö bhë˗ bho ˈˈgblʋʋ ɛɛnˈˈ kwa pë ˈˈwɛɛ ˈbha pö. Pë ˈbha ˈkwa˗ ˗wɔn ꞊blɛɛ ˈˈsu ˗nu ˈwo ʒiö ˗an ˈgü ɛɛnˈˈ Biblö ˈˈɲan ˈˈwɛɛ ˈbha ˗dhɔ ˗yö mɛn ˗nu ˈwo kwa ˗bha ˈˈyasa ˈgü, ˗an ˗kë ˗ee? ˈWɔn ˈbha ˈö kë kwa ˈˈpian ˈˈpiʋ̈ ˗a ˗wɔn blɛɛˈˈ ˗sü ˗dhɔ ˗yö mɛn ˗nu ˈwo mü ˗an ˗kë ˗ee? ˗Kɔ ˈö ˈkwa˗ ˈˈpiʋ̈ kö ˈkwa yö kë ˗zlanwopö ˗kɔ ˈˈslö ˗nu ˈka, ˗yö ˗sü kwa ˗bha. ˈˈKɛɛ ˗kwaa «꞊gban ˗kë ˈˈdhʋ̈ ˗Zlan ˗bha naɔ ˗së bha ꞊në˗ ˗wɔn ˈgü» kë ˈˈdhʋ̈ kö ˈkwa˗ pö mɛn ˗nu ˗dhɛ.​—1Ko 9:22, 23.