Kwa- ˈˈpiʋ̈ kö ˈkwa kë ˈˈtʋŋ ꞊gban ˈgü -yödhiʋ̈ ˈka, kwa dua -mü kö -dhɛkpaɔyi waa ˈˈlɛlɛ -nu ˈö ˈkwa -dho -zlanwopö -an ˈka bhë, ˈkwa -an -bɛn zë. ꞊Ya kë ꞊dhɛ ˈkwa ˈˈlɛlɛ 18 kë ˈˈdhoogɔ -bha, kwa ꞊mɔɔn- -bha ˈkwa -kë -yödhiʋ̈ ˈka, ˈyö ˈˈtɛɛ pa ˈˈtʋ̈ŋ -yö -kë kwa -gɔ. -Zlanwopö yi -nu bhë, ˈkwa ˈto -an ˈˈpiʋ̈, ˈkö -de ˈwɔn ˈbha -yö -da kwa -gɛn ˈgü, ɛɛnˈˈ ˈö yua -yö kwa -kë ɛɛnˈˈ ˈzü ˈö dha -yö ban, kwa ꞊mɔɔn- -bha ˈkwa ˈˈlɛlɛ bhë- ꞊slɔɔ. Tablo ˈö -yö, -yö -gleŋ -da mɛn -nu ˈö ˈwo yökë yi ꞊gban ˈˈpɛpɛ ˈka, mɛn -nu ˈö ˈwaa yökë yi ꞊gban ˈˈpɛpɛ ˈka, waa mɛn -nu ˈö ˈwaa wo ˈflëëgü -an -bha. ꞊Ya kë ꞊dhɛ ˈkwa ˈwɔn ˈbha -nu baaˈˈ kwa -bha ˈkɔdhi ˈgü, kwa -bha ˈkɔdhigümɛn ˈbha -dho ꞊mɔɔn- -bha kö -yö kë ˈˈtʋ̈ŋ ꞊gban ˈgü -yödhiʋ̈ ˈka Sɛtanblö ˈgü. -Yö -së kö ˈkwa- -wɔn ˈˈdoo dɔ kwa -bha -Zlan -dhɔkë ˈkɔɔsü -dhɛ ˈö nu -ni ˈgü yö, -a -ta.