Ü ˗BHA ˗ZLANWOPÖSÜ ˈKUN ˈˈGBƖƖ˗ | ˗KWA KWA ˗BHA ZUƲ̈GBLÜDHI ˗DADHIƲ̈ ˗ZLANWOPÖDHƐ ˈGÜ

˗Kwa kwa ˗de yö mɛn ˗nu ˗duɛ ˈgü

-A "WƖ -DHƐ

Kwa ˗de ˗ya mɛn ˗nu ˗duɛ ˈgü ˗sü ˈnën ˗tɔ mɛn ˈˈwɛɛ ˗nu ˗bha ˗zotadhe, ˗an ˗bha ˈwɔn yö ˗kɔ, ˗an ꞊bhlëë waa pë ˈö ˗an ˗bhawɔn ˈdhö˗ ˗bha, ˗an dɔ ˗sü. ˈKwa kwa ˗de ˗ya mɛn ˗nu ˗duɛ ˈgü, ˗wa ˗dhɛ ˗yö. Mɛn ˗nu ˗takun ˗sü ˗dhɔ ˈdhö kwa ˗bha, kwa ˗dho kwa ˗de ˗ya ˗an ˗duɛ ˈgü. ˈKwa˗ kë ˈˈdhʋ̈ ˗zlanwopödhɛ ˈgü, kwa˗ ˗zɔn ꞊dhɛ mɛn ˗nu ˗dhɔ kwa ˗kë ꞊dhɛ Zoova ˈdhö ˈö ˈkwa ˈˈtʋ̈ŋ ˈdhö ˗an ˈgü. ˗Yö mɛn ˗nu ˗ɲɔɔn Zoova ˗bha.—Fdh 2:4.

Kwa ˗de ˗ya mɛn ˗nu ˗duɛ ˈgü ˗sü ˈyaa mɛn draanˈˈ ˗kɔ ˈˈslö ˈˈkpaan ˈka. Mɛn ˗nu ˗wa ˗dhɛ ˗yö kwa ˗bha ˈwɔn blɛɛˈˈ ˗kɔ, kwa ˗bha ˈwɔn kë ˗kɔ ˗nu waa ˗pa kwa ˗dea ˗kɔ ˗nu ˗bha. ˈKwa kwa ˈˈtʋ̈ŋ ꞊dede kë mɛn ˈbha ˈgü, kwa˗ ˗zɔn ꞊dhɛ kwa kwa ˗de ˗ya ˗a ˗mɛn ˗duɛ ˈgü. Kwa kwa ˗zoto pë ˗nu ˈö ö ˗zoyö ˗an ˗dhɛ waa ˈwɔn ˈö˗ ˈgü, ˗an ˈˈpiʋ̈. Kwa ˗gleŋ ˗da ˗a ˗mɛn ˗bha ˈö ˈkwa˗ ˗takun. ˈˈKɛɛ ˈkwaa ˈˈgbɩɩdhɛ wɔ˗ ˗ta. Mɛn ˗nu ˗wa ˈˈwɩ˗ ˗bha kö ˈkwa ˗an ˗takun ˗zlanwopödhɛ ˈgü, ˗yö kwa ˗bha zuʋ̈gblüdhi ˗dadhiʋ̈.

˗BHÖ VIDEO ˗KWAA KË KÖ KWA ˗GƐN ˈDHO ˈˈDHIƲ̈, KÖ ZUƲ̈GBLÜDHI ˈÖ MƐN ˗NU ˗KË YESU ˗BHA GWËËˈˈ ˈKA ˗SÜ ˈGÜ, ˈKWA˗ ꞊SLƆƆ: ˗KWA KWA ˗DE YÖ MƐN ˗NU ˗DUƐ ˈGÜ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

˗Dhɛ ˈö ˈˈSënŋ ˈö nu kö ˈˈlɛlɛ ˗ya ʒiö, Nita ˗yö ö ˗de ˗ya ˗a ˗duɛ ˈgü ˗kɔ ˗kë ꞊dhɛ?
˗Dhɛ ˈö ˈˈSënŋ ˈö˗ pö ꞊dhɛ Biblö draansü ˗ya zuʋ̈ˈˈ ˈˈdhiʋ̈ ˗tɛɛ bhë, Nita ˗yö ö ˗de ˗ya ˗a ˗duɛ ˈgü ˗kɔ ˗kë ꞊dhɛ?
ˈKwa kwa ˗de ˗ya mɛn ˗nu ˗duɛ ˈgü, ˗wo ˗ɲɔɔn Zoova ˗bha.

˗Dhɛ ˈö ˈˈSënŋ ˈö˗ pö ꞊dhɛ ˗dhɛ baaˈˈ ˗sü ˗ya ˗gɔ ˈˈgbɩɩ˗ bhë, Nita ˗yö ö ˗de ˗ya ˗a ˗duɛ ˈgü ˗kɔ ˗kë ꞊dhɛ?