Ü ˗BHA ˗ZLANWOPÖSÜ ˈKUN ˈˈGBƖƖ˗ | ˗KWA KWA ˗BHA ZUƲ̈GBLÜDHI ˗DADHIƲ̈ ˗ZLANWOPÖDHƐ ˈGÜ
˗Kwa ˈpa mɛn ˗nu zuʋ̈ˈˈ ˈka
ˈWɔn ˗man ˗Zlan ˗ta ˗sü ˗go mɛn zuʋˈˈ ˈˈpiʋ̈. (Pr 3:1) ˗A ˗wɔn ˈgü ˈkwa mɛn ˗nu ꞊klaŋ kë ˗ni ˈgü, kwa dua ˗mü kö ˈkwa kwa ˈgü dɔ ˈˈgbɩɩ˗ ˈkwa ˈpa ˗an zuʋ̈ˈˈ ˈka. Kwa dho ˗a kë ꞊dhɛ?
Kwa ˈdho gagade ˗zɔn ˗an ˗dhɛ dosɛnŋ. ˗Kwa ˗an ˗takun kö ˗wa ˈwɔn dɔ ꞊dhɛ ˈpë ˈwo˗ draanˈˈ ˗ni ˈgü ˗yö ˗gban ˗an ˗bha ˗tosɛta waa ˗mlɛɛn ˈö waa Zoova ˗nu wo ꞊zinŋ ˈgü, ˗an ˗bha. ˗Kwa ˗an ˗takun kö ˗wa ˈwɔn dɔ ꞊dhɛ Biblö ˗bha ˈtɔŋ˗ ˗nu ˗wo ˗Zlan ˗bha ˗dhɔ, ˗a ˗bha ˈˈgblüsëdhɛ waa˗ ˗bha kpɛnŋdhödhɛ ˗nu ˗zɔn. ˗Kwa dhɛɛˈˈ ˗nu ˈkpɔ ˗an ˗gɔ ˗së ˈka kö ˗wo wo ˗zota ˈpë ˈwo˗ draanˈˈ ˗ni ˈgü ˗kɔ ˈö ˈpa˗ ˈka ˗an ˗bha, ˗a ˈgü. ˗Kwa ˗an ˗takun kö ˗wo wo ˗zota ˗kɔ ˈö ˗an ˗bha ˗tosɛta ˗dho kë ˗së ˗a ˈka ꞊ya kë ꞊dhɛ ˗wa wo ꞊kwaa wɔkɔ yaa ˗nu ˗zü, ˗a ˈgü. ˈKwa˗ yö ꞊dhɛ Zoova ˗dhɔ ˗yö kwaa ꞊klaŋnën ˗nu kë ˗ni ˈgü, kwa ˗bha zuʋ̈gblüdhi ˗dho ˗dadhiʋ̈.
˗BHÖ VIDEO ˗KWAA KË KÖ KWA ˗GƐN ˈDHO ˈˈDHIƲ̈, KÖ ZUƲ̈GBLÜDHI ˈÖ MƐN ˗NU ˗KË YESU ˗BHA GWËËˈˈ ˈKA ˗SÜ ˈGÜ, ˈKWA˗ ꞊SLƆƆ: ˗KWA ˈPA MƐN ˗NU ZUƲ̈ˈˈ ˈKA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
ˈMën ˗kë ˈö Nita ˗ya pö ˈˈSënŋ ˗dhɛ ꞊dhɛ: «Ü ü ˗zota ˈbhaawo ˈwɔn ˈko˗ ꞊blɛɛ ˗tɛɛdhooyi ˈka bhë, ˗a ˈgü ˗ee?»
-
Nita ˗yö ˈˈSënŋ ˗takun ˗kɔ ˗kë ꞊dhɛ kö ˗ya yö ꞊dhɛ ˈtɔŋ˗ ˗nu ˈwo Biblö ˈgü ˗wa ˗zɔn ꞊dhɛ ˗a ˗dhɔ ˗yö Zoova ˗kë?
-
ˈKwa ˈpa kwaa ꞊klaŋnën ˗nu zuʋ̈ˈˈ ˈka, ˗yö ˗dho ˗an ˗takun ˈö ˗an ˗gɛn dho ˈˈdhiʋ̈.
Nita ˗yö ˈˈSënŋ ˗takun ˗kɔ ˗kë ꞊dhɛ kö ˗kɔ ˈö dho ˗a ˗zɔn ˈka ꞊dhɛ ˗Zlan ˗dhɔ ˗ya ˗kë, ˗ya dɔ?
