KWA ˗BHA ˗KË KLETIƐN ˈKA ˗SÜ
˗Kwa dhebhɔ zizi ˗nu ˈsü ꞊dhɛ kwa dhe ˗nu ˈdhö, kö ˈkwa ˈnëndhiëŋ ˗nu ˈsü ꞊dhɛ kwa ꞊dhegblüdhe ˗nu ˈdhö
Biblö ˗ya ˗pö ˈkwa mɛn zizi ˗nu ˈsü ꞊dhɛ kwa dhe ˗nu waa kwa dë ˗nu ˈdhö, kö ˈkwa wlüünën ˗nu ˈsü ꞊dhɛ kwa ꞊dhegblü ˗nu ˈdhö. (1 Timote 5:1, 2 ˗wo pö.) Kwa ꞊dhegblü gɔɔn˗ ˗nu dua ˗mü ꞊dedewo kö ˗wo kwa ꞊dhegblüdhe ˗nu ꞊bhlëë ˗ya.
Kwa ꞊dhegblü gɔɔn˗ ˈbha dua ˈyaa ˗mü toŋtoŋdhö kö ˗yö kwa ꞊dhegblüdhe ˈˈɲan ˈkun ɛɛnˈˈ kö ˗yö pë ˈbha ˈö dho ˗a kë kö ˗wo kë wo ˗de ˈgü ˈya˗ ˗a kë. (Jb 31:1) Kwa ꞊dhegblü ˈö dhe ˈyaa˗ ˗gɔ, ˗a dua ˈyaa ˗mü kö ˗ya kë kö ˗yö kë kwa ꞊dhegblüdhe ˈbha ˈgü ꞊dhɛ ˗ya ˈˈpiʋ̈ kö ˗wo ˗da ˈkosüdhe ˗mlɛɛn ˈgü, ˈˈkɛɛ kö ˈyaa ˈˈdhʋ̈.
Mɛn zii ˗nu dua ˗mü kö ˗wo wo ˈˈtʋ ˈto kwa ꞊dhegblüdhe ˗nu ˈö ˈwo dhɛɛˈˈ ˈbha ˗nu ˈkpɔ kö ˗wo ˈwɔn ˈbha ˈgüman, ɛɛnˈˈ ˈö ˈwo ˗an ˗bha ˈwɔn yö ˗kɔ ꞊blɛɛ, ˗an ˗bha. ˗An dua ˗mü ˈpö kö ˗wo wo ˗zokë kwa ꞊dhegblüdhe ˗nu ˈö ˈwaa gwan ˗bha, ˗an ˈˈpiʋ̈.—Ru 2:8, 9.
˗BHÖ VIDEO ˗DHƆ ˈÖ˗ ˈˈYI ˈYAA BHƲ̈Ʋ̈ˈˈ ˗KWAA ˗ZƆN ˗ZLANWOKƆDHI ˈGÜ: ꞊GƐANDHE WAA ˗TENËN ˗NU ˗DHƐ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
Mɛn zii ˗nu ˗wo ˗dhɔ ˗zɔn ˗kɔ ˗kë ꞊dhɛ kwa ꞊dhegblüdhe Miɛntö ˗dhɛ?
-
˗Dhɔ ˈö ˗zlanwokɔdhigümɛn ˗nu ˈwo˗ ˗zɔn bhë, ˗yö ˗kë ꞊gbɛkiödhɛ ˗së ˈka ˗kɔ ˗kë ꞊dhɛ ˈpödhɛ bhë˗ ˈgü?
-
˗Dhɔ ˈö ˗zlanwokɔdhigümɛn ˗nu ˈwo˗ ˗zɔn Miɛntö ˗dhɛ bhë, ˗yö ˗pa ˗kɔ ˗kë ꞊dhɛ ˗a ˈdhu ˗nu ˈka?
˗Kɔ ˗mɛɛn ˈö ˈkwa ꞊mɔɔn˗ ˗bha ˈkwa˗ ˗zɔn ˈka ꞊dhɛ kwa ˈˈtʋ̈ŋ ˗yö kwa ꞊dhegblüdhe ˗nu ˈwo ˗zlanwokɔdhi ˈgü, ˗an ˈgü?
