KWA ˗BHA ˗KË KLETIƐN ˈKA ˗SÜ
Naɔ ˗së ˗takozë ˗sü kö mɛ ꞊gban ˈdhaŋ bho˗ ˈˈdhiʋ̈ ꞊dhɛ tɛan˗ ˗mü
ˈDhɛ Zuifö ˈyɔɔ˗ ˗nu ˈwo kun ˗a ˈˈpiʋ̈ kö ˗wa kë kö ˈwa ˈdho ˗Zlan ˗dhɔkëgükɔ ˈˈkplʋ dɔ ˈzü ˗dɛɛwo bhë, Zuifö ˗nu ˗wa ˈˈslö ˗mɛɛn kö ˗wa ˗dɔ ˗a ˈka ˈsëëdhɛ ꞊slɔɔ. (Esd 5:11-16) ˗Kɔ do ˈö bhë ˗a ˈgü ˈpö ꞊dɛɛ, kletiɛn ˗nu ˗wo pë ˈö ˗an ˗kɔ ˗yö ꞊mɔɔn ˗a ˗bha ˗a ˗kë kö ˗wo nɔɔn˗ ˗së ˗takozë kö mɛ ꞊gban ˈdhaŋ bho˗ ˈˈdhiʋ̈ ꞊dhɛ tɛan˗ ˗mü. (Fdh 1:7) ˗A ˗wɔn ˈgü, ˈwɔn ˗nu ˈwo ˗gban za ˗bha, ꞊waa˗ ˈˈpian ˈbha ˈˈdhiʋ̈ ˗pʋ kwa ˗bha Betɛlö ˈkɔ ˈkpii˗ ˈö ˈˈkpɔnŋ ꞊taa ˗a ˈgü ˗kwɛ 1936 ˈka. ꞊Dɛɛ kwa ꞊dhegblü ˗nu ˈwo za ˈwɔnyëë˗ ˗nu ˈka kwa ˗bha Betɛlö ˈkɔ ˈkpii˗ ˈö ˈˈkpɔnŋ ꞊taa ˗a ˈgü bhë, ˗wo ˈwɔn ˗nu ˈwo ˗gban ˗Zlan ˗bha ˗Gblüdëdhɛ ˗bha ˗a ˗takozë ˈˈkpɔnŋtaadhɛ ˗todhʋ̈sü ˈgü. ˗Kɔ ˗mɛɛn ˈö ˗an ˗bha yö ˗yö ˗Zlan ˗bha ˗Gblüdëdhɛ ˗yö ˈdho ˈˈdhiʋ̈ ˗a ˈka ˈö ˈwɔn ˗së ˗kë ˗Zlan ˗dhɔkëmɛn ˗nu ˗dhɛ?
˗BHÖ VIDEO ZA ˈWƆNYËË˗ ˗NU ˈWO KWA ˗BHA BETƐLÖ ˈKƆ ˈKPII˗ ˈÖ ˈˈKPƆNŊ ꞊TAA ˗A ˈGÜ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
ˈWɔn ˈˈgbɩɩ˗ ˗mɛɛn ˈö ˗gban za ˗wɔn ˗bha ˈö Zoova ˗bha ꞊Gbɛkiö ˗nu ˗wo bɔ ˗an ˈgü?
-
Za ˗mɛɛn ˗nu ˈwo ˗dhi kwa ˗gɔ? ˗A ˈwɔnzuan do nu.
-
˗Mën ˈö mɛn ꞊gban ˈkwa ꞊mɔɔn˗ ˗bha ˈkwa˗ ˗kë kö ˈkwa nɔɔn˗ ˗së ˗takozë kö mɛ ꞊gban ˈdhaŋ bho˗ ˈˈdhiʋ̈ ꞊dhɛ tɛan˗ ˗mü?
-
Za ˗wɔn ˗nu ˈwo ˗gban ˗Zlan ˗dhɔkëmɛn ˗nu waa Zoova ˗bha ꞊Gbɛkiö ˗nu ˈwo ˗an ˗da ˗kaso ˈgü ˗an ˗bha ˗zoyödhe ˈkosɔn ˗an ˗bha bhë, kwa ˗dho ˗kpan ˗an ˗bha ˈˈmɛn kwa ˗bha ɛntɛnɛtö ˈˈnimlɔn ˈˈpian ˗ta?
