Zoova ˗ya ˈˈpiʋ̈ kö zuʋ̈gblüdhi ˗yö kë ˈkɔdhi ꞊gban ˈgü. (Ps 127:3-5; Ec 9:9; 11:9) ˈˈKɛɛ ˈkö ˗kë ˈˈdhʋ̈, zuʋ̈dhiʋ̈tɛɛ ˗nu ˈwo ˈˈkpɔnŋ ꞊taa waa ˈwɔn yaa ˗dhii ˈö kwa ˈgü ˈwo ꞊mɔɔn˗ ˗bha ˈwo˗ ˗kë ˈö zuʋ̈gblüdhi ˈyaa kë kwa ˗gɔ. Mɛn ˈö ˈˈdhʋ̈ ˗dho ˗a kë ꞊dhɛ kö ˗yö nu zuʋ̈gblüdhi ˈka ˈkɔɔ?

Dhemɛndë dua ˗mü kö ˗yö ö ˗bha dhebɔ ꞊bhlëë ˗ya. (1P 3:7) ˗Yö ö ˗bha ˈˈtʋ̈ŋ ˗nu ˗a ˗dhɛ. ˈPë ˈö˗ ˗kɔ ˈyaa ꞊mɔɔn ˗a ˗bha, ˈyaa˗ ˗dhɛ ˗a ˗gɔ. ꞊Ya ˈgo mü ˈzü ˗ya ˈˈnuɛ ˗bho pë ˈö˗ ˗kë ˗a ˗bha ˈkɔdhigümɛn ˗nu ˗bhaa ˈka, ˗a ˗bha. (Ko 3:15) ˗Ya ˗zɔn ꞊dhɛ ˗a ˗dhɔ ˗ya ˗kë ˈö˗ ˗wɔn ˗së ꞊blɛɛ.—Pr 31:28, 31.

Dhebɔ dua ˗mü kö ˗yö ˗kɔ ˈö dho ö ˗gɔn ˗takun ˗a ˈka, ˗a mɛɛnˈˈ. (Pr 31:12) ˗Yö ö ˗gɔ ˗dho ˗a ˗dhɛ ˈˈshia˗ ˈö yö ˗kë ˗a ˈˈpiʋ̈. (Ko 3:18) ˗Yö dhiaŋ ˗zë ˗a ˗dhɛ ˗a ꞊bhlëë ˈgü, ˈö˗ ˗wɔn ˗së ꞊blɛɛ.—Pr 31:26.

ˈNënmɛn ˗nu dua ˗mü kö ˗wo kë wo ˗bha ˈnën ˗nu ˈˈpiʋ̈. (Dt 6:6, 7) ˗Wa ˗pö wo ˗bha ˈnën ˗nu ˗dhɛ ꞊dhɛ ˗an ˗dhɔ ˗yö ˗an ˗kë. (Mt 3:17) ˈWo ˗dhioo dɔ ˗ni ˈgü ˗an ˗ta, ˗wa ˗dɔ ˗dhɔkaadhe waa ˈwɔn ˗bhokoodɔdhe ˈka.—Ef 6:4.

ˈNën ˗nu dua ˗mü kö ˗wo ˈwɔn man wo ˗kpɔmɛn ˗nu ˗ta. (Pr 23:22) ˗Wo wo zuʋ̈ˈˈ ˗pʋ ˗an ˗dhɛ. ˗An ˗mɛn ˗nu ˗wa ˗dhioo dɔ ˗an ˗ta, ˗wa ˗man, ˈyö ˈwo ˗an ꞊bhlëë ˗ya.—Pr 19:20.

˗BHÖ VIDEO -KWA ZUƲ̈GBLÜDHI MƐƐNˈˈ KWA -BHA ˈKƆDHI ˈGÜ ˗GA. ꞊YA ƝËN DHƐƐˈˈ ˈÖ YÖ ˗BHÖ ˗A ˗YƆ BƆ:

˗Mën ˈö mɛn ˈö ˈˈdhʋ̈ ˈö˗ ˗kë kö ˗yö nu zuʋ̈gblüdhi ˈka ˈkɔɔ?