Sɛtanblö ˈˈsu ˈgü, kwa ˗dho kwa ˈgü dɔ ˈˈgbɩɩ˗ ꞊dedewo kö ˈkwa˗ ˗zɔn mɛn ˗nu ˗dhɛ ꞊dhɛ ˗Zlan ˗bha ˗Gblüdëdhɛ dosɛnŋ ˈnën ˗dho ˈwɔn ˈˈgbɩɩ˗ ˗nu ˈwo ˈˈkpɔnŋ ꞊taa ˗an bho mü. (Mt 24:14) Kwa ˗dho kwa ˗kɔ ˗da ˗a ˈgü ˗kɔ ˗kë ꞊dhɛ? ˗Kwa Biblö ˈˈɲan ˗nu ˈwo ˗gban ˗Zlan ˗bha ˗Gblüdëdhɛ ˗bha ˗an ˗zɔn mɛn ˈˈʋʋ ˈmɛn ˈkwa ꞊mɔɔn˗ ˗bha ˈkwa˗ ˗zɔn ˗a ˗dhɛ ˈˈsu bhë ˗a ˈgü, ˗a ˗dhɛ. ˗Zlan ˗wo ˗dhɔ ˗ya kë ˗a ˗mɛn ˗bha, ˗kwa ˗kwɛ 2020 ˈˈGlaadhiʋ̈ ˗tɔn No. 2 ˈö ˗zlanwopö ˗bha ˈka, ˗a nu ˗a ˗dhɛ. ꞊Ya ˈgo mü, ˗kwa ˗wo ˗a ˗mɛn ˗dhɛ ˈˈvaandhö kö ˈkwa Biblö draansü züdɔ ˗a ˈˈpiʋ̈ ˈsëëdhɛ ˗be ˈnën Zuʋ̈gblüdhi ꞊slɔɔ ˗toëpö ˈka! ˈgü. Mɛn ˈˈpɛpɛ ˈwo˗ ˈˈpiʋ̈ kö ˗wo kë ˗yödhiʋ̈ ˗kɔ ꞊löö ˈka Sɛtanblö ˈˈsu ˈgü, ˗wo ꞊mɔɔn˗ ˗bha ˈö ˈwo wo ˗kɔ ˗yɛ ˈˈlɛlɛ 15 ɛɛnˈˈ 30 ˗bha kö ˗wa kë.

˗Zlan ˗bha ˗Gblüdëdhɛ ˗dho mɛnbhɩɩdhe ˗nu ˗bha mɛnkɔɔnsü ˈˈpɛpɛ ˈö ˈwo ˗gban ˗sü ˈka˗ ˗gɔ, ˗an ˈgü shiʋ̈ˈˈ. (Dn 2:44; 1Ko 15:24, 25) Kö ˈkwa bɔ ˗zlanwopö ˈˈtʋ̈ŋ ˗së ˈö ö ˗de ˗ta bhë ˗a ˗ta kö ˈkwa˗ ˗zɔn ꞊dhɛ kwa ˗kɔ ˗yö Zoova waa˗ ˗bha ˗Gblüdëdhɛ ˗an ˗gɔ bhë, ˈaa ˗yö kë!