˗Dhɔ ꞊dede ˈnën ˈˈpian do ˈˈpiʋ̈ ˗maankëmɛn waa ˗an ˗bha dhebɔ ˗nu ˈwo˗ ˗zɔn mɛn ˗nu ˈwo ˗an ˈˈdhiʋ̈ʒiöwo bhë, ˗an ˗dhɛ. ˗An ˗bhawɔn ˗yö ˗yö pë ˈbhaa ˗nu ˗bha ꞊shiöŋ. ꞊Ya ˈgo mü ˈzü, ˈˈtʋ̈ŋ ˈbhaa ˗nu ˈka ˗an ˈgü ˗yö ˗ga, ˈö zuʋ̈dhiʋ̈tɛɛ ˗yö ˗ya ˗an ˗bha ꞊dhɛ kwa ˈdhö. (Zk 5:17) ˈKö ˗kë ˈˈdhʋ̈ ˈˈdhoogɔ ꞊gban ˈka ˗wo wo ˈˈtʋ̈ŋ ˗kë wo ꞊dhegblü ˗nu ˈwo ˗wo ˗an ˗dhɛ ˗zlanwokɔdhi ˗nu ˈgü bhë ˗an ˈgü, ˈyö ˈwo wo ˗zota ˗kɔ ˈö ˈwo dho ˗an ꞊faan ˈmën ˗a ˈgü. ˗A ˗dhɛa ˗bha ꞊dedewo kö ˈˈpian do ˈˈpiʋ̈ ˗maankëmɛn ˗nu «˗bhlëë ˗yö kë ꞊va.»—1Ti 5:17, NWT.

˗Dhɛ ˈö bɔmɛn Pɔdho ˈö kun ˗a ˈˈpiʋ̈ kö ˗yö ˈdho ˗wo kletiɛn ˗nu ˈwo kun Wlɔmö ˗an ˗dhɛ kö ˗yö «˗Zlan ˗bha gbaɔdhe ˈö˗ ˗bha ˈnii˗ ˈˈslʋ̈ʋ̈slʋ̈ ˗ya nu mɛ ˗dhɛ» ˗an ˗bhaa nu bhë, ˗yö ˗kun ˗a ˈˈpiʋ̈ kö ˈwo wo «ˈko ˗nu faan dɔ.» (Wlɔ 1:11, 12) ˗Kɔ ˈü dho ka ˗bha ˈˈpian do ˈˈpiʋ̈ ˗maankëmɛn waa˗ ˗bha dhebɔ (꞊ya kë ꞊dhɛ dhe ˗ya ˗gɔ) ˗an ꞊faan dɔ ˗a ˈka, ˈbha ü ˗zota ˈsaadhö ˗a ˈgü ˗ee?

˗BHÖ VIDEO ˈˈPIAN DO ˈˈPIƲ̈ ˗MAANKËMƐN DO ˗BHA ˗TOSƐTA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˗Kɔ ˗mɛɛn ˈö ˈˈpian do ˈˈpiʋ̈ ˗maankëmɛn waa ˗an ˗bha dhebɔ ˗nu ˈwo ˗dhɔ ꞊dede ˗zɔn ˗a ˈka ˗zlanwokɔdhi ˗nu ˗dhɛ?

  Your answer

• ˗An ˗bha ˈgüdɔgbɩɩsü ˗ya ˈwɔn ˗së kë ü ˗dhɛ ˈsaadhö ˗ee?

  Your answer

• Ü ˗dho ˗an ꞊faan dɔ ˗kɔ ˗kë ꞊dhɛ?

  Your answer